ކުދި އަދި މެދު ފަންތީގެ ވިޔަފާރިތަކަށް އަގުވަޒަންކޮށް ރާއްޖޭގައި ފުރަތަމަ ފަހަރަށް ދިން އެމްއެސްއެމްޢި އެވޯޑު 21 ފަރާތަކުން ހޯދައިފިއެވެ.
މި އެވޯޑު ދީފައިވަނީ ދެ ގިންތިއަކުންނެވެ. އެއީ އާންމުންގެ ވޯޓުން ހޮވާ ގިންތިއަކާއި، ފަނޑިޔާރުންގެ މާކްސްއިން ހޮވާ ގިންތިއެކެވެ.
މޯލްޑިވްސް އެމްއެސްއެމްއީ އެވޯޑްސް 2025 އަކީ ދިވެހި ރާއްޖޭގައި ހަރަކާތްތެރިވާ އެންމެ ކުދި، ކުދި އަދި މެދުފަންތީގެ ވިޔަފާރިތައް ހޯދަމުންދާ ކާމިޔާބީތައް ފާހަގަކޮށް، އެ ވިޔަފާރިތަކަށް ހިތްވަރު ދިނުމުގެ ގޮތުން، އިކޮނޮމިކް މިނިސްޓްރީގެ އިސްނެގުމާއެކު ބިޒްނަސް ސެންޓަރ ކޯޕަރޭޝަން (ބީސީސީ) އިން ދޭ އެވޯޑެކެވެ.
މި އެވޯޑަށް ކުރިމަތިލުމަށް މައިގަނޑު 22 ދައިރާއެއް ދެ ގިންތިއަށް ބަހާލައިގެން ކުރިމަތިލުމަށް ހުޅުވާލި އެވެ.
މިއެވޯޑު ދިނުމަށް ސޯޝަލް ސެންޓަރުގައި ބޭއްވި ހަފްލާ ޝަރަފުވެރިކޮށްދެއްވީ، ފިނޭންސް މިނިސްޓަރު މޫސާ ޒަމީރެވެ.
މިހަފްލާގެ އެންމެ ޝަރަފުވެރި 3 އެވޯޑު ކަމަށްވާ އަހަރުގެ އެންމެ ކުދި، ކުދި އަދި މެދުފަންތީގެ ވިޔަފާރިތަކަށް ހޮވުނު ފަރާތްތަކަށް އެވޯޑު ހަވާލުކޮށްދެއްވީ މިނިސްޓަރު ޒަމީރުއެވެ.
* މައިކްރޯ އެމްއެސްއެމްއީ އޮފް ދަ އިޔަރ – ނޮޑީސް ކޮފީ
* ސްމޯލް އެމްއެސްއެމްއީ އޮފް ދަ އިޔަރ – ލޫޕް ކްރާފްޓް ޕްރައިވެޓް ލިމިޓެޑް
* މީޑިއަމް އެމްއެސްއެމްއީ އޮފް ދަ އިޔަރ – އޮއިވާލި އާޓް ޝޮޕް
މި ހަފްލާގައި ފަނޑިޔާރުންގެ މާކްސްއިން އިތުރު 8 ފަރާތްތަކަށްވެސް އެވޯޑު ވަނީ ދީފައެވެ.
* ސްޓާޓް އަޕް އޮފް ދަ އިއަރ – ސިނެޓެކްސް ޕްރައިވެޓް ލިމިޓެޑް
* ގްރީން އެމްއެސްއެމްއީ އޮފް ދަ އިއަރ – ފަހި ގޮވާން
* ޓެކް އެމްއެސްއެމްއީ އޮފް ދަ އިއަރ – ޕިނެޓް ވޯކްސް ޕްރައިވެޓް ލިމިޓެޑް
* އައުޓް ސްޓޭންޑިން ސޯޝަލް ކޮންޓްރިވިއުޝަން އޮފް ދަ އިއަރ – ދަ ގިފްޓް ބާސްކެޓް މޯލްޑިވްސް
* ކްރިއޭޓިވް އެމްއެސްއެމްއީ އޮފް ދަ އިއަރ – އެންކްރިއަރ ޕްރައިވެޓް ލިމިޓެޑް
* ނެކްސްޓް-ޖެން އެމްއެސްއެމްއީ އޮފް ދަ އިއަރ – ޖަވާބު ޕްރައިވެޓް ލިމިޓެޑް
* ޔޫތް-ލެޑް އެމްއެސްއެމްއީ އޮފް ދަ އިއަރ – ފޯ ދަ ސޮއުލް ބައި ހިމޫ
* ވުމަން-ލެޑް އެމްއެސްއެމްއީ އޮފް ދަ އިއަރ – މާޔާ ނާސިހް
މި ހަފްލާގައި އާންމުންގެ ވޯޓުން އެންމެ މަގްބޫލު ވިޔަފާރިތަކަށް 11 އެވޯޑެއްވެސް ވަނީ ހަވާލުކޮށްފައެވެ.
ރާއްޖޭގެ ކުދި ވިޔަފާރިތަކަށް ހާއްސަކޮށްގެން ފުރަތަމަ ފަހަރަށް އެ ވިޔަފާރިތަކުން މަސައްކަތް އަގުވަޒަންކޮށް އެވޯޑެއް ދިންއިރު، ކުރިއަށް އޮތް ތަނުގައި ކޮންމެ އަހަރަކުވެސް މި އެވޯޑު ދޭން ނިންމާފައިވާ ކަމަށް ބިޒްނަސް ސެންޓަރ ކޯޕަރޭޝަނުން ބުނެ އެވެ.
ބީސީސީން ބުނީ އެވޯޑަށް ހުޅުވާލުމާއެކު ވަރަށް ބޮޑު ތަރުހީބެއް މި އެވޯޑަށް ލިބުނު ކަމާށާއި މިއީ ކުދި ވިޔަފާރިތަކުން ވަރަށް ބޭނުންވެފައިވާ ކަމެއްކަން އެވޯޑަށް ހުޅުވާލުމުން އެނގުނު ކަމަށެވެ.
