ފަޅުރަށްރަށާއި ފަޅުތައް ކުއްޔަށް ދިނުމުގެ ފުރިހަމަ ބާރު ރައީސަށް ދޭ ގޮތަށް ބިލު ތަސްދީގުކުރައްވައިފި

މި ބިލުގެ ދަށުން ފަޅުރަށްރަށުގެ ކުލި ނަގާ ރޭޓުތަކަށް ވަނީ ބޮޑެތި ބަދަލުތަކެއް ގެނެސްފައެވެ. މީގެ ކުރިން އަކަމީޓަރަކަށް 10 ލާރި ނަގަމުން އައި ނަމަވެސް، ރާއްޖޭގެ އިޤްތިޞާދީ ޙާލަތަށް ރިޢާޔަތްކޮށް އަލަށް ކަނޑައެޅި ކުލީގެ ރޭޓުތައް ތިރީގައި މިވަނީއެވެ:

މީގެ އިތުރުން، އެކި ބޭނުންތަކަށް ދޫކުރާނެ ފަޅުރަށްރަށާއި ފަޅުތައް ކަނޑައަޅުއްވާނީ ސީދާ ރައީސުލްޖުމްހޫރިއްޔާއެވެ. ނަމަވެސް، ފަތުރުވެރިކަމާއި، ސިނާއީ އަދި ދައުލަތުގެ ބޭނުންތަކަށް ދޫކުރާ ތަންތަން ފިޔަވައި، ރަށްރަށުގެ ކައުންސިލްތަކުގެ އިޚްތިޞާޞްގެ ތެރޭގައި ހިމެނޭ ފަޅުރަށްރަށް އެކި ބޭނުންތަކަށް ދޫކުރުމުގެ ބާރު ލޯކަލް ކައުންސިލްތަކަށް ލިބިދީފައިވެއެވެ

.

މި ބިލު ރައީސުލްޖުމްހޫރިއްޔާ ތަޞްދީޤުކުރައްވައި، ދިވެހި ސަރުކާރުގެ ގެޒެޓުގައި ޝާއިޢުކުރާ ދުވަހުން ފެށިގެން 30 ދުވަސް ހަމަވުމުން މި ޤާނޫނަށް ޢަމަލުކުރަން ފަށާނެއެވެ.

މި ގާނޫނަށް އިސްލާހު ގެނައުމުގެ ކުރިން، 1998 ވަނަ އަހަރުން ފެށިގެން އަމަލުކުރަމުން އައީ “ދިވެހިރާއްޖޭގެ ފަޅުރަށްރަށާ ބެހޭ ގާނޫނު” އެވެ. އެ ބާގަވާއިދުގެ ދަށުން، ފަޅުރަށްތަކާއި ފަޅުތައް ކުއްޔަށް ދިނުމާއި ބެލެހެއްޓުމުގެ އިދާރީ ބާރުތައް އެކި މިނިސްޓްރީތަކާއި ލޯކަލް ކައުންސިލްތަކުގެ މެދުގައި ބެހިފައި އޮތުމުގެ ސަބަބުން، ރަށްރަށް ދޫކުރުމުގައި ގިނަ ހުރަސްތަކަކާއި ލަސްތަކެއް ކުރިމަތިވަމުންދިޔައެވެ. މީގެއިތުރުން، އެ ގާނޫނުގެ ދަށުން ފަޅުރަށްތަކުން ކުލީގެ ގޮތުގައި ނަގަމުން އައީ އަކަމީޓަރަކަށް އެންމެ 10 ލާރީގެ ފްލެޓް ރޭޓެއް ކަމަށްވުމުން، ދައުލަތަށް ލިބޭ މާލީ ފައިދާ ވަރަށް ކުޑައެވެ. އަދި ކުއްޔަށް ދޫކުރާ ރަށްރަށުގެ ދެފުށް ފެންނަ ރެކޯޑުތައް އެންޓި-ކޮރަޕްޝަން ކޮމިޝަން  ފަދަ މުއައްސަސާތަކާ ހިއްސާކުރުން މިހާރުގެ އާ ގާނޫނުން ލާޒިމުކުރާ ފަދަ ހަރުދަނާ ނިޒާމެއް މީގެކުރިން ގާނޫނީގޮތުން ގާއިމުވެފައެއް ނެތެވެ.