ހއ. ދިއްދޫގައި ތަރައްގީކުރި ވޮލީބޯޅަ ކޯޓު ރަސްމީކޮށް ހުޅުވުމުގެ ރަސްމިއްޔާތު ބާއްވައިފިއެވެ.
މި ރަސްމިއްޔާތު ޝަރަފުވެރިކޮށްދެއްވައި، ކޯޓު ހުޅުވައިދެއްވީ ޔޫތު، އެމްޕަވަރމަންޓް، ސްޕޯޓްސް، އެންޑް ފިޓްނަސް މިނިސްޓަރ ޢަބްދުﷲ ރާފިޢުއެވެ.
މި ވޮލީ ކޯޓު ހެދުމުގެ މަސައްކަތުގެ ދަށުން، ބިންގަނޑު އެއްވަރު ކުރުމާއި، ކޮންކްރީޓް މަސައްކަތްތަކާއި، ދަގަނޑުގެ މަސައްކަތްތަކާއި، އިކުއިޕްމަންޓް ހަރުކުރުމުގެ މަސައްކަތްތަކާއި، ޓާރފް އެޅުމާއި، ކަރަންޓުގެ މަސައްކަތްތައް ވަނީ ކޮށްފައެވެ. މިއީ 1.24 މިލިއަން ރުފިޔާގެ މަޝްރޫޢެކެވެ.
4186 މީހުންގެ އާބާދީއެއް އޮންނަ ހއ. ދިއްދޫގައި ވޮލީބޯޅަ ކޯޓެއް ތަރައްޤީކުރުމުގެ މަޝްރޫއަކީ ރަށުގެ ރައްޔިތުންގެ ވަރަށް ބޮޑު އުންމީދަކާ ގުޅިފައިވާ މަޝްރޫޢެކެވެ. މި ވޮލީކޯޓުގެ މަސައްކަތް ނިމި، ރަސްމީކޮށް ހުޅުވުމުން، ދިއްދޫގެ ޒުވާނުންނަށް ވޮލީބޯޅައިގައި އިތުރު ކުރިއެރުން ހޯދުމަށް ފުރުސަތުތައް ފަހިވެ، ރަށަށް އިޖުތިމާއީ ގޮތުން ކުރިއެރުންތަކެއް ލިބޭނެ ކަމަށް މި މަޝްރޫއު ހިންގި އެމްޓީސީސީން ދެކެއެވެ.
