އިސްލާމްދީން ހިމާޔަތްކުރަން ވޭތުވެދިޔަ 900 އަހަރު ކުރި މަސައްކަތްތައް ހަނދާންކުރަންޖެހޭ: މިނިސްޓަރު ޝަހީމް

“ރަސްރަސްކަން ކުރެއްވި މީހުންނާއި ވެރިން ކުރެއްވި ހިދުމަތް ކުރެއްވި މަސައްކަތްތައް ހަނދާނަށް ގެންނަން ޖެހޭ. އިސްލާމީ އުންމަތަށް ދިވެހި ގައުމާމެދު އޮންނަ ގުޅުމަކީ، އިސްލާމީ ގައުމާ މެދުގައި އޮތް ބަދަހި ގުޅުމަކީ ރާއްޖެ އިސްލާމީ ގައުމެއްގެ ގޮތުގައި ދެމިއޮތުމަށް މެދުވެރިވި ވަރަށް މުހިއްމު ސަބަބެއް.”

މީގެއިތުރުން ،މިނިސްޓަރު ވިދާޅުވީ ވޭތުވެދިޔަ 900 އަށްވުރެ ގިނަ އަހަރު ރާއްޖޭގައި އިސްލާމްދީން ދެމިއޮތް އަނެއް މައިގަނޑު ސަބަބަކީ ޤާނޫނުއަސާސީ އާއި ޤާނޫނުތަކުގެ ތެރެއިން ދީނަށް ރައްކާތެރިކަން ލިބިފައިވުމެވެ.އަދި ކުރިއަށް އޮތް ޖީލުތަކުގައި ވެސް ރާއްޖެއަކީ އިސްލާމީ ދައުލަތެއްގެ ގޮތުގައި ދެމިއޮންނާނީ، ދީނީ ހަމަތަކަށް ފެތޭ ގޮތަށް ގާނޫނުތައް ބައްޓަންކުރުމުގެ ހަރުދަނާ ނިޒާމެއް ރައްޔިތުންގެ މަޖިލީހުގެ ތެރެއިން ޤާއިމުކޮށް، މިހާރު ހުރި ޤާނޫނުތައް އިތުރަށް ވަރުގަދަކޮށްގެން ކަމުގައި ވެސް އެމަނިކުފާނު ވިދާޅުވިއެވެ.