ދުނިޔޭގެ މަޝްހޫރު ‘ވީ ސްކޭން’ އަލްޓްރާސައުންޑް މެޝިން އެސްޓީއޯއިން ބާޒާރަށް ނެރެފި

އެސްޓީއޯ އިން ފާހަގަކުރި ގޮތުގައި ‘ޖީއީ ހެލްތުކެއާ’ އަކީ ރާއްޖޭގެ ރޭޑިއޮލޮޖިސްޓުންގެ މެދުގައި ބޮޑު މަޤްބޫލުކަމެއް ހޯދާފައިވާ، އަދި ރާއްޖޭގެ ހޮސްޕިޓަލްތަކުގައި ވެސް ފުޅާދާއިރާއެއްގައި ބޭނުންކުރަމުން އަންނަ ބްރޭންޑެކެވެ. ރާއްޖޭގައި މި ބްރޭންޑުގެ އޮތޮރައިޒްޑް ޑިސްޓްރިބިއުޓަރަކީ އެސްޓީއޯ އެވެ. މި ބްރޭންޑުގެ މެޝިނަރީޒްތަކަށް ދެމެހެއްޓެނިވި ގޮތެއްގައި ‘އަފްޓަރ ސޭލްސް ސަރވިސް’ ފޯރުކޮށްދިނުމަށްޓަކައި އެސްޓީއޯގެ ބަޔޯމެޑިކަލް ޓީމުން ވަނީ ކޮންމެ މޮޑަލިޓީއަކަށް ޚާއްޞަ އިންޖިނިއަރުން ތަމްރީނުކޮށްފައެވެ. އެގޮތުން އެމްއާރުއައި، ސީޓީ، މެމޮގްރަފީ އަދި އަލްޓްރާސައުންޑް ފަދަ ކޮންމެ ދާއިރާއަކަށް ސެޓިފައިޑް އިންޖިނިއަރުންގެ ޓީމެއް އެސްޓީއޯގައި އޮތްއިރު، މި ޓީމުގައި ދިވެހި އަންހެން އިންޖިނިއަރުން ހިމެނޭކަން އެ ކުންފުނިން ފާހަގަކުރެއެވެ.