ފޭސް 2ގައި ރޭ ހިނގި އަލިފާނުގެ ހާދިސާގައި ގެއްލުންވި 85 މީހަކަށް، ވަގުތީ ބޯހިކާވަހިކަން ނޭޝަނަލް ޑިސާސްޓާ މެނޭޖްމަންޓް (އެންޑީއެމްއޭ) އިން ފޯރުކޮށްދީފި އެވެ.
ހިޔާ ޓަވަރު 5 ގައި އަލިފާނުގެ ހާދިސާއެއް ހިނގީ ރޭ 7:00 ހާއިރެވެ. މި ހާދިސާގައި އެ ޓަވަރުގެ 38 އެޕާޓްމަންޓެއްގެ ނަރުދަމާ ހޮޅިތަކަށް ގެއްލުންވިއެވެ.
އެންޑީއެމްއޭއިން ބުނީ މިހާތަނަށް އެހީތެރިކަން ބޭނުންވެގެން ރިޕޯޓުކޮށްފައިވާ 18 އެޕާޓްމަންޓްގައި ދިރިއުޅޭ 85 ފަރާތަކަށް ވަގުތީ ބޯހިޔާވަހިކަން ހަމަޖެއްސުމަށާއި ކެއުން ބުއިމަށް އެހީ ފޯރުކޮށްދީފައިވާ ކަމަށެވެ.
އަދި ނަރުދަމާއަށް ލިބުނު ގެއްލުންތައް ދެނެގަނެ އެ ގެއްލުންތައް މަރާމާތުކުރުމުގެ މަސައްކަތް އެޗްޑީސީން ކުރަމުންދާ ކަމަށް ވެސް ބުންޏެވެ.
ފުލުހުން ބުނިގޮތުގައި މި ހާދިސާ ހިނގާފައި ވަނީ އެޓަވަރުގެ 13 ވަނަ ފަންގިފިލާއެއްގައި ހުރި އޭސީ އަޓުޓްޑޯ ޔުނިޓެއްގައި ރޯވެގެން ނެވެ. ޓަވަރުގެ 9ވަނަ ފްލޯއާއި 14ވަނަ ފްލޯއާއި ދެމެދު ހުރި ހުރިހާ އައުޓް ޑޯއެއްގައި ވެސް ރޯވި އެވެ.
