ތ. ވިލުފުށީގެ 65 ހެކްޓަރު ހިއްކާފައިވާކަމަށް މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް)އިން ބުނެފި އެވެ.
ވިލުފުށީގެ ބިން ހިއްކުމުގެ މަސައްކަތް ވަރަށް ބާރު ސްޕީޑްގައި ކުރިއަށްދާކަމަށް އެމްއޭސީއެލުން ބުނެފައިވެ އެވެ.
އެ މަސައްކަތުގެ އަދާހަމަ ހިއްސާ ކުރަމުން އެމްއޭސީއެލުން ބުނިގޮތުގައި، ވިލުފުށީގެ ބިން ހިއްކުމުގެ މަސައްކަތުގެ ތެރެއިން މިހާތަނަށް 65 ހެކްޓަރުގެ ބިން ހިއްކާފައިވާކަމަށާއި، އެއީ އެ މަޝްރޫއުގެ 80 އިންސައްތަ ކަމަށްބުނެފައިވެ އެވެ.
ވިލުފުށީ ބިން ހިއްކުމުގެ މަޝްރޫއުއަށް އެމްއޭސީއެލް އިން ގެނެސްފައިވަނީ “ފްލިޕޯ ބުރުނެލްސްޗި” ނަމަކަށް ކިޔާ ޑްރެޖަރެކެވެ. މިޑްރެޖަރަށް އެއްފަހަރާ 11300ކިއުބިކް މީޓަރު ހިއްކުމުގެ ގާބިލުކަން ހުރި ޑްރެޖަރެއް ކަމަށް އެމްއޭސީއެލުން ބުނެފައިވެ އެވެ.
އެމްއޭސީއެލުން މިމަސައްކަތް ފަށާފައި ވަނީ މިދިޔަ އަހަރުގެ ނޮވެންބަރު މަހުގެ 14ވަނަ ދުވަހުގަ އެވެ.
