އެމެއޭސީއެލުން އިސްނަގައިގެން ބްލަޑް ބޭންކަށް ލޭހަދިޔާ ކުރުމުގެ ޕުރޮގުރާމު އެންމެންނަށް ބައިވެރިވެވޭ ގޮތަށް ކުރިއަށް ގެންދަން ފަށައިފި އެވެ.
މި ޕުރޮގުރާމު ކުރިއަށް ގެންދިއުމަށް ހަމަޖެހިފައި ވަނީ 31 ޖަނަވަރީ އަދި 1 ފެބްރުއަރީގައި ވެލާނާ އިންޓަނޭޝަނަލް އެއާޕޯޓުގެ އެއާޕޯޓް ރެކްރިއޭޝަން ސެންޓަރު (އޭއާރުސީ)ގައިގަ ކަމަސް އެމްއޭސީއެލުން ވަނީ ބުނެފަ އެވެ.
މި ޕުރޮގުރާމަކީ މޯލްޑިވްސް ބްލަޑް ސާވިސް (އެމްބީއެސް)އާ ގުޅިގެން އެމްއޭސީއެލުން ކުރިއަށް ގެންދިއުމަށް ހަމަޖައްސާފައިވާ ޕުރޮގުރާމެކެވެ. އަދި ކޮންމެ އަހަރަކު ވެސް އެމްއޭސީއެލްގެ ސްޓާފުންނަށް ހުޅުވާލައިގެން މި ޕުރޮގުރާމް ކުރިއަށް ގެންދާކަމަށް އެ ކުންފުނިން ވަނީ ބުނެފަ އެވެ.
ނަމަވެސް، އެހެން އަހަރުތަކާ ހިލާފަށް މި އަހަރު ޕްރޮގްރާމް ކުރިއަށް ގެންދަނީ ވެލާނާ އިންޓަނޭޝަނަލް އެއާޕޯޓުގައި މަސައްކަތްކުރާ ދައުލަތުގެ އިދާރާތަކާއި މުއައްސަސާތަކާއި ކުންފުނިތަކުގެ އިތުރުން ރިސޯޓް މުވައްޒަފުންނަށް ވެސް ހުޅުވާލައިގެންކަމަށް އެކުންފުނިން ފާހަގަކޮށްފައިވެ އެވެ. އެގޮތަށް ބަދަލުކުރުމުގެ މަގުސަދަކީ ލޭ ލިބުން ދަތިވެ, އެމްބީއެސް އިން އާންމުންގެ އެހީތެރިކަމަށް އެދިފައިވާތީ އާއި ކޮންމެ އަހަރެއްގެވެސް ރޯދަ މަހު ލޭ ލިބުން ދަތިވާތީ އެކަމަށް އެހީތެރިވުން ކަމަށް އެމްއޭސީއެލުން ބުނެފައިވެއެވެ.
މި ޕްރޮގްރާމްގައި ބައިވެރިވާން ބޭނުންވާ ފަރާތްތަކުން https://tinyurl.com/46y3p7m7 މި ލިންކު ބޭނުންކޮށްގެން ރަޖިސްޓްރީ ވެވޭނެއެވެ.
