ކުރެޑިޓް ކާޑުތަކުގެ ލިމިޓް އިތުރު ކޮށްފައިވާ ކަމަށް ބޭންކް އޮފް މޯލްޑިވްސް (ބީއެމްއެލް) އިން ބުނެފިއެވެ.
ބީއެމްއެލުން މިއަދު ބުނިގޮތުގައި ފެބްރުއަރީ 1 އިން ފެށިގެން ބީއެމްއެލް ކުރެޑިޓް ކާޑުން ކޮންމެ ކަސްޓަމަރަކަށް ވެސް ރާއްޖެއިން ވޭރުގެ މުއާމަލާތްތައް ކުރުމަށް ކޮންމެ މަހަކަށް ކަނޑައެޅިފައިވާ ލިމިޓް ބޮޑުވާނެ އެވެ.
އެގޮތުން ކުލެސިކް ކުރެޑިޓް ކާޑުގެ 750 ޑޮލަރުގެ ލިމިޓް 1400 ޑޮލަރަށް އިތުރުކޮށް، ގޯލްޑް ކުރެޑިޓް ކާޑުގެ 750 ޑޮލަރުގެ ކުރެޑިޓް ލިމިޓް 1500 ޑޮލަރަށް އިތުރުކޮށް އަދި ޕުލެޓިނަމް ކުރެޑިޓް ކާޑުގެ 1500 ޑޮލަރުގެ ލިމިޓް 3000 ޑޮލަރަށް ވަނީ އިތުރުކޮށްފަ އެވެ.
އެއީ ކޮންމެ ކަސްޓަމަރަކަށް ޑެބިޓް ކާޑުން ބޭނުންކުރެވޭ ގޮތަށް ހަމަޖެހިފައިވާ ލިމިޓްގެ އިތުރުން އެ ކަސްޓަމަރުންގެ ކުރެޑިޓް ކާޑަށް ހަމަޖައްސާފައިވާ ލިމިޓަކަމަށް ބީއެމްއެލުން ބުނެފައިވެއެވެ.
ބީއެމްއެލުން ވަނީ ރާއްޖެއަށް ޑޮލަރު ލިބުން ދަތިވެފައި ވުމުގެ ސަބަބުން މިދިޔަ އަހަރުގެ ސެޕްޓެމްބަރު މަހުން ފެށިގެން ރާއްޖެ އިން ބޭރުގައި ކްރެޑިޓް ކާޑުގެ ލިމިޓު މަހަކު 200 ޑޮލަރަށް ކުޑަކޮށްފަ އެވެ. މިއީ ރާއްޖެއިން ބޭރުފައިސާ ބޭރުވާ އަދަދު މަދު ކުރުމަށްޓަކައި ބީއެންމެލުން އަޅާފައިވާ ފިޔަވަޅެކެވެ.
