މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ވިޔަފާރި ބަނދަރުން އާގުބޯޓުތަކަށް 24 ގަޑިއިރު ހިދުމަތް ދޭން ފަށައިފި އެވެ.
އެމްޕީއެލުން ބުނިގޮތުގައި ކުރިން މާލެ ބަނދަރަށް ގާތްކުރާ އާގުބޯއްޓުތަކަށް ހިދުމަތް ދެނީ މެންދަމު 12 އިން ހެދުނު 6 އާ ހަމަޔަށެވެ. ނަމަވެސް މިހާރު މި އުސޫލު ބަދަލުކޮށް 24 ގަޑިއިރު ހިދުމަތް ދޭގޮތަށް ނިންމާފައިވާ ކަމަށެވެ. މިގޮތަށް އެމްޕީއެލުން ނިންމީ ރާއްޖެއަށް އަންނަ އުޅަނދުތައް ގިނަވުމުންނެވެ.
މި ނިންމުމާ ގުޅިގެން ކުރެއްވި ޕޯސްޓެއްގައި ޓްރާންސްޕޯޓް މިނިސްޓަރު މުހައްމަދު އަމީން މީގެކުރިން ވިދާޅުވީ މި ނިންމުމަކީ 1988 ވަނަ އަހަރުން ފެށިގެން އަމަލުކުރަމުން އައި އުސޫލު ބަދަލުކޮށް، އިގްތިސާދީ ގޮތުން އެޅުނު މުހިންމު ފިޔަވަޅެއް ކަމަށެވެ.ނމިބަދަލާއެކު އުޅަނދުފަހަރަށް ދެމުންއައި ކްލިޔަރެންސް ދިނުމާއި ޕައިލޮޓޭޖުގެ ހިދުމަތް ދިނުމުގެ ކަންކަންވެސް 24 ގަޑި އިރު ހިނގަމުން ދާނެކަމަށް ވެސް މިނިސްޓަރު ވިދާޅުވި އެވެ.
މި ނިންމުމަކީ ރައީސުލްޖުމްހޫރިއްޔާ ޑރ މުހައްމަދު މުއިއްޒު ގެންގުޅުއްވާ ހަރުދަނާ ސިޔާސަތުތަކުގެ ދަށުން ގެނެވުނު ވަރަށް މުހިންމު ހެޔޮ ބަދަލެއްކަމަށް ވެސް މިނިސްޓަރު ވިދާޅުވި އެވެ.
