ހުޅުމާލޭ ފޭސް 2 ގައި ސަރުކާރުގެ ހަރަދުގައި އެޅި ޝަހީދު އަލީ ސުކޫލުގައި މިއަދު ކިޔަވާދޭން ފަށައިފި އެވެ.
ޝަހީދު އަލީ ސުކޫލު އެޅުމަށް ރައީސުލްޖުމްހޫރިއްޔާ ޑރ މުހައްމަދު މުއިއްޒު ރަސްމީކޮށް ފައްޓަވައިދެއްވީ 2023 ވަނަ އަހަރުގެ ޑިސެންބަރު މަހުގައެވެ. ފަސް ފަންގިފިލާއަށް އަޅާފައިވާ މި ސުކޫލުގައި، 32 ކުދިންގެ ޖާގައިގެ 54 ކުލާސްރޫމް ހިމެނެއެވެ. މީގެއިތުރުން، ބޮޑު އޮޑިޓީރިއަމް އަކާއި، ކޮމްޕިއުޓަރު ލެބާއި، ތިން ކެމިސްޓްރީ ލެބާއި، އިންޑޯ ހޯލަކާއި، އައުޓްޑޯ ހޯލެއް ވެސް މި ސްކޫލުގައި ގާއިމްކޮށްފައިވެއެވެ.
މި ސްކޫލުގައި 20 ކުދިންގެ ޖާގައިގެ ތިން ލިފްޓާއި ސްޓާފް ކެންޓީނަކާއި ދަރިވަރުންނަށް ހާއްސަ ކެންޓީނެއް ވެސް ގާއިމްކޮށްފައިވެއެވެ. އަދި އިންޑޯ ހޯލަކާއި އައުޓްޑޯ ހޯލެއް މި ސުކޫލުގައި ގާއިމްކޮށްފައިވެއެވެ.
ޝަހީދު އަލީ ސުކޫލަކީ ގުރޭޑް 1 އިން 10 އަށް ކިޔަވައިދޭ ސުކޫލެކެވެ. މިއާއެކު މި ސުކޫލުގައި މިއަހަރު 2100 ދަރިވަރުން ކިޔަވާނެ ކަމަށާއި 230 ޓީޗަރުން މަސައްކަތް ކުރާނެ ކަމަށް އެޑިއުކޭޝަން މިނިސްޓަރު ވަނީ ވިދާޅުވެފައެވެ. މި ސްކޫލުގައި މިއަހަރު ކިޔަވާ ކުދިންގެ ތެރެއިން އެންމެ ގިނައީ އަތޮޅުތަކުން މާލެއަށް ކިޔެވުން ބަދަލުކޮށްފައިވާ ދަރިވަރުންނެވެ.
