މޫސާ އަލީ ޖަލީލު ފަދަ ބޭފުޅެއް ގައުމަށް ގައްދާރު ނުވާނެކަމަށް ރައީސުލްޖުމްހޫރިއްޔާގެ އަނބިިކަނބަލުން މެޑަމް ސާޖިދާ މުހައްމަދު ވިދާޅުވެއްޖެއެވެ.
މެޑަމް މިފަދައިން ވިދާޅުވީ މާފަންނު ދެކުނު ދާއިރާގެ ކެންޕެއިން ޖަގަހަ ހުޅުވުމަށް ބޭއްވި ޖަލްސާގައި ވާހަކަފުޅުދައްކަވަމުންނެވެ. މެޑަމް ވަނީ މާލެ ސިޓީގެ މޭޔަރުކަމަށް ޕީއެންސީގެ ޓިކެޓްގައި ކުރިމަތިލައްވާ މޫސާ އަލީ ޖަލީލު ނޮވެންބަރު 3 1988 ގައި ވެވަޑައިގެންނެވި ގުރުބާނީއާއި ދެއްކެވި ހިތްވަރު ފާހަގަކުރައްވާފައެވެ.
އަދި އެ ފަދަ ބޭފުޅެއްގެ ހިތުގައި ގައުމަށްޓަކައި އޮންނާނެ ލޯތްބާއި، އެފަދަ ބޭފުޅަކު ގައުމަށްޓަކައި ކޮށްދެއްވާނެ މަސައްކަތްތައް އަޅުގަނޑުމެން ކޮންމެ މީހަކު ވެސް ވިސްނަންޖެހޭ ކަމަށް މެޑަމް ވިދާޅުވެފައިވެއެވެ. މިއާއެކު، މޫސާ އަލީ ޖަލީލުފަދަ ބޭފުޅެއް ގައުމަށް ގައްދާރު ނުވާނެ ކަމަށް ވެސް މެޑަމް ވިދާޅުވެފައިވެއެވެ.
“އެފަދަ ބޭފުޅެއްގެ ހިތުގައި ގައުމަށްޓަކައި އޮންނާނެ ލޯތްބާއި، އެފަދަ ބޭފުޅަކު ގައުމަށްޓަކައި ކޮށްދެއްވާނެ މަސައްކަތްތައް އަޅުގަނޑުމެން ކޮންމެ މީހަކު ވިސްނަންޖެހޭނެ. އެފަދަ ބޭފުޅަކު ގައިމުވެސް ގައުމަށް ގައްދާރުނުވާނެކަން އެނގެންޖެހޭ،” މެޑަމް ވިދާޅުވެފައިވެއެވެ.
މެޑަމްގެ ވާހަކަފުޅު ނިންމވާލެއްވީ ޕީއެންސީގެ ބޭފުޅުންގެ އިތުރުން، ވަކި ޕާޓީއަކަށް ނިސްބަތްނުވާ މީހުންނާއި އެހެންޕާޓީތަކުގެ މެންބަރުންވެސް ލޯކަލް ކައުންސިލް އިންތިހާބުގައި ޕީއެންސީގެ ކެޑިޑޭޓުންނަށް ވޯޓު ދިނުމަށް އިލްތިމާސްކުރައްވަމުން ނެވެ،
