ދ.ހުޅުދެލީ ސިއްހީ މަރުކަޒަށް 4900 އަކަފޫޓަށްވުރެ ބޮޑު އައު އިމާރާތެއް އިތުރުކުރުމަށް އަމަލީ މަސައްކަތް ފަށައިފި އެވެ.
މި މަޝްރޫއުގެ އަމަލީ މަސައްކަތް ފައްޓަވައިދެއްވީ ވަނީ ހެލްތު މިނިސްޓަރު އަބްދުالله ނާޒިމް އިބްރާހީމެވެ. މި ރަސްމިއްޔާތުގައި އެމްޓީސީސީގެ ޗީފް އޮޕަރޭޓިންގ އޮފިސަރު، ސިނާން އަލީ އާއި ހުޅުދެލީ ކައުންސިލް މެންބަރުން އަދި ސަރުކާރުގެ އިދާރާތަކުގެ އިސްވެރިން ބައިވެރިވެވަޑައިގަނެފައިވެ އެވެ.
މި މަޝްރޫއުގެ ދަށުން 4905 އަކަފޫޓުގެ އިމާރާތެއް ސިއްހީ މަރުކަޒަށް އަލަށް އިތުރުކުރާނެ އެވެ. މީގެ އިތުރުނ،ް ވަށާ ފާރަކާއ،ި ޕޯޓިކޯއަކާއ،ި 225 އަކަފޫޓުގެ ފާމަސީއެއް ވެސް އަޅާނެއެވެ. މިއީ 10.06 މިލިއަން ރުފިޔާގެ 720 ދުވަސްތެރޭ ނިންމަން އެމްޓީސީސީއާ ހަވާލުކޮށްފައިވާ މަޝްރޫއެކެވެ.
990 މީހުންގެ އާބާދީއެއް އޮންނަ ހުޅުދެލީގައި ބިނާކުރާ ސިއްހީ މަރުކަޒުގެ އައު އިމާރާތް ނިމުމާއެކު، ހުޅުދެލީން ލިބޭ ސިއްހީ ފަރުވާ ފުޅާވެ، ހުޅުދެލީ ރައްޔިތުންނަށް އަމިއްލަ ރަށުގައި ތިބެގެން ވަރަށް ގިނަ ސިއްހީ ކަންކަމަށް ފަރުވާކުރުމުގެ މަގުފަހި ވެގެންދާނެކަމަށާއި، މިއީ އެރަށު ރައްޔިތުންނަށް ވަރަށް ބޮޑު ލުއިފަސޭހައެއް ލިބިގެންދާނެ ކަމެއް ކަމަށް އެމްޓީސީސީން ގާބޫލުކުރާކަމަށް އެކުންފުނިން ބުނެފައިވެއެވެ.
