އަންނަ ރޯދަ މަހު ކިޔާވާދެނީ ފުރަތަމަ ހަފްތާގަ އެކަނި ކަމަށް އެޑިއުކޭޝަން މިނިސްޓްރީން ބުނެފިއެވެ.
އެޑިއުކޭޝަން މިނިސްޓްރީން ނެރުނު މިއަހަރުގެ ދިރާސީ ކަލަންޑަރުގައިވާ ގޮތުން ދިރާސީ އާ އަހަރުގެ ކިޔެވުން މިމަހުގެ 27 ވަނަ ދުވަހުގައި ފަށާނެ އެވެ. މި ކަލަންޑަރުގައި ސަރުކާރު ބަންދު ދުވަސްތަކާއި ކިޔަވައިދޭ ދުވަސްތަކުގެ އިތުރުން ދަރިވަރުންނާއި ޓީޗަރުންނަށް ލިބޭ ބަންދު ދުވަސްތައް ފާހަގަކޮށްފައިވެއެވެ.
މި ކަލަންޑަރުގައި ވާގޮތުން މިއަންނަ ރޯދަ މަހު ކިޔަވާދޭނީ ފުރަތަމަ ހަފްތާގައި އެކަންޏެވެ. އެއީ ފެބްރުއަރީ މަހުގެ މަހުގެ 22 އިން 26 އަށެވެ. އެއަށް ފަހު މާޗް މަހުގެ1 ވަނަ ދުވަހުން 8 ދުވަހާ ހަމައަށް ޕީޑީ ދުވަސްތަކެއްގެ ގޮތުގައި ކަނޑައަޅާފައިވެެެއެވެ. އެހެންވެ މި ދުވަސްތައް ދަރިވަރުންނަށް ބަންދު ވާނެ އެވެ.
ޕީޑީ ދުވަސްތައް ނިންމުމުން ދެން ކުރިއަށް އޮންނާނީ ރޯދަ މަހުގެ ފަހު ދިހައެއް ކަމުން މި ދުވަސްތައް ވެސް ދަރިވަރުންނަށް ބަންދުވާނެއެވެ.
