ޑިއުޓީގަ ހުއްޓާ އެމްޕީއެލްގެ މުވައްޒަފަކު ފިޓުޖެހިގެން މަރުވެއްޖެ

މަސައްކަތުގެ މާހައުލުގައި އުޅެމުންދަނިކޮށް ފިޓު ޖެހިގެން ވެއްޓި، މޯލްޑިވްސް ޕޯޓް ލިމިޓެޑް (އެމްޕީއެލް)ގެ މުވައްޒަފަކު މަރުވެއްޖެއެވެ.

އެ ކުންފުނިން ބުނީ، މިއަދު މާލޭ ވިޔަފާރި ބަނދަރުގައި މަސައްކަތް ކުރަމުންދިޔަ މުވައްޒަފަކަށް ފިޓުޖެހި ވެއްޓުނީ ދެ ޓަގު ބޯޓު ދޭތެރެ އަށެވެ. ފުލުހުން ބުނީ މި ހާދިސާ ހިނގީ މިއަދު ހެނދުނު 10:46 ހާއިރު ކަމަށެވެ. އެއީ ގދ. ދެއްވަދޫއަށް ނިސްބަތްވާ އުމުރުން 24 އަހަރުގެ މީހެކެވެ.

އޭނާ މަރުވީ ހޮސްޕިޓަލުގައި ފަރުވާ ދެމުންދަނިކޮށެވެ.