އަތޮޅުތަކުން 1500 އަށް ވުރެ ގިނަ ދަރިވަރުން ގުރޭޓާ މާލެއަށް ބަދަލުވެފައިވާކަމަށް އެޑިއުކޭޝަން މިނިސްޓްރީން ބުނެފި އެވެ.
މިނިސްޓްރީން މިއަދު ނެރުނު ތަފާސް ހިސާބުތަކުން ދައްކާގޮތުގައި އަތޮޅުތަކުން ގުރޭޓާ މާލެއަށް 1،530 ދަރިވަރުން ބަދަލުވެފައިވެ އެވެ. އެގޮތުން އަތޮޅުކުން ހުޅުމާލެއަށް 753 ދަރިވަރުން، އަތޮޅުތަކުން މާލެއަށް 694 ދަރިވަރުން އަދި އަތޮޅުތަކުން ވިލިމާލެއަށް 83 ދަރިވަރުން ބަދަލުވެފައިވެ އެވެ. އަދި މާލެއިން ހުޅުމާލެއަށް 836 ދަރިވަރުން ބަދަލުވެފައިވާ ކަމަށް މިނިސްޓްރީން ހާމަކޮށްފައިވެ އެވެ.
މި ތަފާސް ހިސާބުތަކުން ދައްކާގޮތުގައި މާލެ ސަރަހައްދުތަކުގެ ސްކޫލުތުގެ ގްރޭޑް އެކަކަށް އަލަށް 1748 ކުދިން ވެއްދުމަށް ހުށައަޅާފައިވެއެވެ. މިއާއެކު އަތޮޅުތަކުގައި އަލަށް ގްރޭޑް 1 އަށް ވެއްދުމަށް ހުށައަޅާފައި ވަނީ 3،042 ދަރިވަރުންނެވެ.
މާލެ ސްކޫލުތަކަށް ބަދަލުވާ ދަރިވަރުންގެ ފޯމްހުށައެޅުމުގެ މުއްދަތު ވަނީ އިއްޔެ ހަމަވެފައެވެ. މި އަހަރުގެ ދިރާސީ އައު އަހަރުގެ ކިޔެވުން ފަށާނީ މިމަހުގެ 27 ވަނަ ދުވަހުގައެވެ. އަދި ހުޅުމާލެ ފޭސް 2 ގައި އަލަށް ހުޅުވި ޝަހީދު އަލީ ސްކޫލުގަ ވެސް މިއަހަރު އަލަން ކިޔަވަން ފެށުމަށް ވަނީ ނިއްމާފައެވެ.
