3 ރަށެއްގައި އިސްލާމިކް މަރުކަޒު އަޅަން އަމިއްލަ ކުންފުންޏަކާއެކު އެއްބަސްވުމެއްގައި ސޮއިކޮށްފި އެވެ.
3 ރަށެއްގައި އިސްލާމިކް މަރުކަޒު އަޅަން އަމިއްލަ ކުންފުންޏަކާއެކު އެއްބަސްވުމެއްގައި ސޮއިކުރީ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދެވެ. މި އެއްބަސްވުމުގެ ދަށުން ފަސްރަށެއްގައި އިސްލާމިކް މަރުކަޒަކާއި މިސްކިތް އަދި ގުރުއާން ސެންޓަރު އެޅުމަށް ހައްތަރު ކުންފުންޏަކާ ހަވާލުކޮށްފައިވެ އެވެ.
އެގޮތުން، އިސްލާމީ މަރުކަޒު އެޅުމަށް ހަވާލުކުރި ތިން ރަށަކީ، ޅ. ނައިފަރު، ގއ. ވިލިނގިލި، ހއ. އިހަވަންދޫ އެވެ.
ނައިފަރުގައ ި1000 މީހުންގެ ޖާގައިގެ އިސްލާމީ މަރުކަޒެއް އެޅުމަށް ހަވާލުކޮށްފައި ވަނީ ސެންޓްރަލް ލައިން ޕްރައިވެޓް ލިމިޓެޑަށެވެ. މި މަރުކަޒުގައި އަންހެނުންނަށް ނަމާދުކުރެވޭ ބައެކާއި، ވުލޫކުރާ ބަޔާ، ކްލާސްރޫމާއި ލައިބްރަރީ އަދި ކޮންވެންޝަން ހޯލެއް ގާއިމް ކުރުމަށް ވަނީ ނިއްމާފަ އެވެ.
ވިލިގިލީގައި އަޅާ އިސްލާމީ މަރުކަޒު ހަވާލުކޮށްފައި ވަނީ ކޭ އެންޑް އެފް ހޯލްޑިންގް ޕްރައިވެޓް ލިމިޓެޑާ އެވެ. މި މަރުކަޒަކީ700 މީހުންގެ ޖާގައިގެ މަރުކަޒެކެވެ. މި މަރުކަޒުގައި ވެސް ކްލާސްރޫމާއި، ލައިބްރަރީ، އަދި ކޮންވެންޝަން ހޯލް ގާއިމް ކުރުމަށް ވަނީ ނިންމާފަ އެވެ.
އިހަވަންދޫގަ ވެސް ގާއިމް ކުރާ700 މީހުންގެ ޖާގައިގެ އިސްލާމިކް މަރުކަޒު އެޅުމަށް ހަވާލުކޮށްފައި ވަނީ ފީޑޯ ޕްރައިވެޓް ލިޓެޑާ އެވެ. މިމަރުކަޒުގަ ވެސް އަންހެނުންނަށް ނަމާދުކުރެވޭ ޖާގައިގެ އިތުރުން ވުލޫކުރާ ބަޔާ، ކްލާސްރޫމާއި ލައިބްރަރީ އަދި ކޮންވެންޝަން ހޯލެއް އެޅުމަށް ހަމަޖެހިފައިވެއެވެ.
ވިލިގިލީގައި އިސްލާމީ މަރުކަޒެއްގެ އިތުރުން ގުރުއާން މަރުކަޒެއްވެސް އެޅުމަށް ވަނީ ނިންމާފައެވެ. މި މަސައްކަތް ކުރުމަސް ހަވާލުކޮށްފައި ވަނީ އަފާމީ މޯލްޑިވްސް ޕްރައިވެޓް ލިމިޓެޑާ އެވެ. މި މަރުކަޒުގައި ކްލާސްރޫމް، ހިފްޒް ކޮޓަރި އަދި އޮފީސް ޖާގަ ތަރައްގީކުރާނެ އެވެ.
