ގާޒާއަށް އެހީތެރިކަން ފޯރުކޮށްދޭ އދ. ގެ އޭޖެންސީ، އަންރުވާގެ އިމާރާތްތަކަށް އިޒްރޭލުން ހަމަލާދިނުން ދިވެހި ސަރުކާރުން ކުށްވެރިކޮށްފި އެވެ.
ފޮރިން މިނިސްޓްރީން ނެރުނު ބަޔާނެއްގައި ވަނީ ގާޒާގައި އިންސާނީ އެހީތެރިކަން ފޯރުކޮށްދޭ އދ ގެ އެޖެންސީތަކެއް ކަމަށްވާ އަންރުވާގެ މައި މަރުކަޒުގައި ހުރި އިމާރާތްތަކަށް އިސްރާއީލުން ދިން ހަމަލާ ކުށްއްވެރިކޮށްފައެވެ. މި އިމާރާތަކީ އިރުމަތި ޖެރުސަލަމްގެ ޝެއިހް ޖަރަހް ސަރަހައްދުގައި ހުރި އިމާރާތެކެވެ.
އިސްރާއީލުން ކުރަމުންދާ މިފަދަ ގައިރު ގާނޫނީ އަމަލުތަކަކީ މިނިސްޓްރީން ބުނިގޮތުގައި ބައިނަލްއަގުވާމީ ގާނޫނުތަކާ ހިލާފު އަމަލުތަކެކެވެ، އަދި މިފަދަ އަމަލުތަލުގެ ސަބަބުން މިހާރުވެސް ހާލު ދެރަ ފަލަސްތީނުގެ ރައްޔިތުން އިތުރަށް ހާލުގަ ޖެހޭނެ ކަން ދިވެހި ސަރުކާރުންފާހަގަކުރި އެވެ.
ސަރުކާރުން ވަނީ އެބައެއްގެ ޒިންމާ ނަގައި އިސްރާއީލުން ކުރަމުން އަންނަ އިންސާނިއްޔަތާ ހިލާފު އެންމެހާ އަމަލެއްގެ ޒިންމާ ނަގުވަން ބައިނަލްއަގުވާމީ ކޮމިއުނިޓީއަށް ގޮވާލާފައެވެ.
