ސަރުކާރުގެ ޓެކްސީލައިންގައި މަސައްކަތްކުރާނެ ޕާޓްޓައިމް ޑްރައިވަރުން ހޯދުމަށްޓަކައި ވޯކްއިން އިންޓާވިއު އެއް ބޭއްވުމަށް ހަމަޖެހިފައިވާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ހާމަކޮށްފިއެވެ.
އެމްޓީސީސީއިން ބުނެފައިވާ ގޮތުގައި ވޯކިން އިންޓަވިއު އޮންނާނީ އަންނަ ހޮނިހިރު ދުވަހު ހެނދުނު 10 އަކުން ހަވީރު 6 އަށެވެ. މި އިންޓަވިއު އޮންނާނީ މާފަންނު ބަސްޓާމިނަލުގައެވެ.
މި އިންޓާވިއުއަށް ހާޒިރުވާއިރު ކޮންމެ ކެޑިޑޭޓަކު ވެސް އައިޑީ ކާޑާއި، އެއްގަމު އުޅަނދުފަހަރު ދުއްވުމުގެ ލައިސެންސް ގެންނަންޖެހޭނެއެވެ.
ސަރުކާރުން ޓެކްސީ ލައިންގެ ހިދުމަތް ދިނުމަށް ހަވާލުކޮށްފައި ވަނީ އެމްޓީސީސީއަށެވެ. އެމްޓީސީސީން ބުނިގޮތުގައި މި މަޝްރޫއަށް 80 މިލިއަން ރުފިޔާ ހަރަދުކޮށްގެން 100 ކާރު ގެންނާނެ އެވެ. މި ހިދުމަތް ފަށާނީ އަންނަ ފެބްރުއަރީ މަހުގައެވެ.
