ބޮޑުތަކުރުފާނު މަގުގެ އެންކާ ބްލޮކް އެޅުމުގެ މަސައްކަތް ފަށައިފި އެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން މައުލޫމާތު ދީފައިވާ ގޮތުގައި މިހާރު ބޮޑުތަކުރުފާނު މަގު ތަރައްގީ ކުރުމުގެ މަޝްރޫއުގެ ދަށުން، އެ މަގުގައި އެންކާ ބްލޮކް އެޅުމުގެ މަސައްކަތް ވަނީ ފަށާފަ އެވެ.
މީގެއިތުރުން އެ މަގުގެ ކާބްސްޓޯން އިންސްޓޯލް ކުރުމުގެ މަސައްކަތްވެސް މިހާރު ވަނީ 85 އިންސައްތަ ނިންމާލާފައި ކަމަށް އެ ކުންފުނިން ބުނެ އެވެ. އަދި އާ ވޭސްޓް ވޯޓާ އަދި ވޯޓާ ލައިންތައް ހަރުކުރުމުގެ 45 އިންސައްތަ ނިންމާފައިވާކަމަށާއި ކޭބަލް ޖަންކްޝަންގެ މަސައްކަތް މިހާރު ވަނީ ފަށާފަ ކަމަށް އެމްޓީސީން ބުނެފައިވެ އެވެ.
މި މަޝްރޫއުގެ ސަބަބުން ދުއްވާއެއްޗިއްސަށާއި މަގުމަތީގައި ހިނގާ ބިގާވެ އުޅޭ ފަރާތްތަކަށް އެތައް ލުއިތަކެއް ލިބި، ރައްކާތެރިކަން ލިބިގެން ދާނެއެވެ. އަދި ބޮޑުތަކުރުފާނުމަގުގައި ގާއިމްކޮށްފައިވާ ފެން ހިއްކުމުގެ ނިޒާމުގެ ސަބަބުން މަގުގައި ފެންބޮޑުވުމުން ރައްކާތެރިކޮށްދޭނެއެވެ.
ބޮޑުތަކުރުފާނު މަގުގެ ދެވަނަ ފިޔަވަހީގެ ދަށުން ތަރައްގީ ކުރަނީ ލޯކަލް މާރުކޭޓުން ފެށިގެން ނޯތް ހާބަރާ ހަމައަށެވެ. މި ސަރަހައްދުގެ މަސައްކަތް މި ފެށޭ އަހަރުގެ ރޯދައިގެ ކުރިން ނިންމުމަށް އެ ކުންފުނިން ވަނީ އަމާޒު ހިފާފަ އެވެ.
