ތިނަދޫ ބިން ހިއްކުމުގެ މަސައްކަތުގެ ތެރެއިން ގޮޑުދޮށް ހިމާޔަތްކުރުމުގެ މަސައްކަތް ކުރިއަށް ދާކަމަށް މޯލްޑީވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ އެމްޓީސީސީން ބުނެފިއެވެ.
މި މަޝްރޫއުގެ ދަށުން، އެމްޓީސީސީއިން ވަނީ މިހާތަނަށް ވަނީ 187,478 އަކަމީޓަރުގެ ސަރަހައްދެއްގެ ބިން ހިއްކުމުގެ މަސައްކަތް ނިންމާލާފަ އެވެ. އަދި ގޮނޑުދޮށް ހިމާޔަތްކުރުމުގެ ދަށުން ހިލަ ބޭނުންކޮށްގެން 835 މީޓަރުގެ ސަރަހައްދެއްގައި ރިވެޓްމަންޓް ޖެހުމާއި، 50 މީޓަރުގެ ސަރަހައްދެއްގައި ޖިއޯބޭގް ބޭނުންކޮށްގެން ގޮނޑުދޮށް ހިމާޔަތްކުރުމުގެ މަސައްކަތްވެސް މިހާރު ވަނީ ނިންމާލާފައެވެ.
މީގެއިތުރުން މި މަޝްރޫއުގެ ދަށުން ރިޓެއިނިން ވޯލް ހެދުމާއި، ރައްޔިތުން މުނިފޫހިފިލުވުމަށް ބޭނުންކުރާނެ ޕިކްނިކް އައިލެންޑެއް ހިއްކުމުގެ އިތުރުން، ޖެޓީ ހެދުމުގެ މަސައްކަތްތައް ވަރަށް އަވަހަށް ފަށާނެކަމަށް އެމްޓީސީސީން ވަނީ ބުނެފައެވެ.
މި މަޝްރޫއުގެ އެއްބަސްވުމަކީ 1 ޖޫން 2023 ގައި މިނިސްޓްރިއާއި އެމްޓީސީއާ ދެމެދުގައި ސޮއިކޮށްފައިވާ އެއްބަސްވުމެކެވެ.
