ދިވެހިބަހުން ފުރަތަމަ ޕީއެޗްޑީ ހާސިލްކުރެއްވި ޑރ އާމިނަތު ޒާހިރަށް މިނިސްޓަރުގެ ތަހުނިޔާ

ދިވެހިބަހުގެ ދާއިރާއިން ފުރަތަމަ ފަހަރަށް ޕީއެޗްޑީ (ޑޮކްޓަރ އޮފް ފިލޯސަފީ) ހާސިލްކުރެއްވި ރާއްޖޭގެ ގައުމީ ޔުނިވަރސިޓީގެ ދަސްވެނި ޑރ. އާމިނަތު ޒާހިރާއަށް، ލެންގުއޭޖް މިނިސްޓަރު އާދަމް ނަސީރު އިބްރާހީމް ވަރަށް ހޫނު މަރުހަބާއާއި ތަހުނިޔާ ވިދާޅުވެއްޖެ އެވެ.

ގައުމީ ޔުނިވަރސިޓީގައި ބޭއްވި ދަސްވެނިވުމުގެ ރަސްމިއްޔާތު ޝަރަފުވެރިކޮށްދެއްވައި ވާހަކަދައްކަވަމުން މިނިސްޓަރު ވަނީ އެކާމިޔާބީއަކީ ދިވެހިބަހަށާއި، ގައުމީ ސަގާފަތާއި ތަރިކައަށް ލިބުނު ވަރަށް ބޮޑު ކުރިއެރުމެއްކަން ފާހަގަކުރައްވާފަ އެވެ. މިނިސްޓަރު ވަނީ ދިވެހިބަހުގެ މުހިންމުކަމުގެ މައްޗަށްވެސް އަލިއަޅުވައިލައްވާފަ އެވެ.

މި ކާމިޔާބީއަށްޓަކައި ރާއްޖޭގެ ގައުމީ ޔުނިވަރސިޓީގެ އިސްވެރިންނަށާއި، ދާރިސުންނަށާއި، ދަސްވެނިންނަށް ވަޒީރު ވަނީ ޝުކުރާ ތަހުނިޔާ އަރިސްކުރައްވާފައެވެ.