ސޫޓްކޭސް ފޭރިގަތް މައްސަލާގައި ހައްޔަރުކުރި މީހުންގެ ވަނަވަރު އާންމުކޮށްފި

ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން ޑޮލަރުތަކެއް ފޭރުނު މައްސަލާގައި ހައްޔަރުކުރި ހަތަރު މީހުންގެ ވަނަވަރު އާންމުކޮށްފި އެވެ.

ވީއައިއޭގެ އައު ޓާމިނަލަށް ވަންނަން ދިޔަ ބޭންކުގެ ދެ މުވައްޒިފެއްގެ އަތުން ފައިސާ ހުރި ސޫޓް ކޭހެއް، މޫނު ނިވާކޮށްގެން ތިބި ބަޔަކު ފޭރިގަނެފައިވާ މައްސަލަ ފުލުހުންނަށް ރިޕޯޓްކުރީ އިއްޔެ ރޭ ފަތިހު 4:25 ހާއިރު އެވެ.

މި މައްސަލާގައި ފުލުހުން ކުރަމުން އަންނަ ތަހުގީގުގައި އިއްޔެ ވަނީ، ކުށްކުރުމަށް ބޭނުންކުރި ލޯންޗު ހޯދައި ތުހުމަތުކުރެވޭ ހަތަރު މީހުން ހައްޔަރުކޮށްފައެވެ. ފުލުހުން މިއަދު ވަނީ އެމީހުންގެ ވަނަވަރު އާންމުކޮށްފަ އެވެ. އެއީ:

• ރޭޝަމް / ލ.މާވަށް، މާޒިން މޫސާ (25އ)
• މ. ކޯރަސް / މާލެ، އަޙްމަދު ރައިހާން ނަޢީމް (20އ)،
• އަޅިވިލާގެ / ކ.ގުރައިދޫ، އިބްރާހީމް އަނޫފް (24އ)
• އަޅިވިލާގެ / ކ.ގުރައިދޫ، ޙުސައިން ޝަހުދު (30އ)