ދެކުނުގެ ހަތަރު އަތޮޅަކަށް ރައީސް މިހާރު ކުރައްވަމުން ގެންދަވާ ދަތުރުފުޅުގައި ހެނދުނު ފަރެސްމާތޮޑާއަށް ވަޑައިގެން ރަށު ކައުންސިލާއި އަންހެނުންގެ ތަރައްގީއަށް މަސައްކަތްކުރާ ކޮމެޓީއާ ބައްދަލުކުރައްވައި ވަނީ ކަންބޮޑުވުންތައް ސާފުކުރައްވައިފަ އެވެ.
ރަށުގެ ރައްޔިތުންނާ ބައްދަލުކުރެއްވުމަށް އެ ރަށު ސްކޫލުގައި ބޭއްވި ޖަލްސާގައި ރައީސް ވަނީ ރަށަށް ދިމާވެފައިވާ މައްސަލަތަކަށް ހައްލެއް ހޯދައިދެއްވާނެ ކަމުގެ ޔަގީންކަން ދެއްވައިފަ އެވެ.
ރައީސް ވިދާޅުވީ ފަރެސްމާތޮޑާއަކީ މަސްވެރި ރަށަކަށްވާތީ މަސްވެރިކަމަށް ބޭނުންކުރެވޭ އިތުރު ކަންކަމާ އެކު ބަނދަރު ބޮޑުކުރުމަށް މި އަހަރުގެ ބަޖެޓުގައި ހިމަނާފައިވާ ކަމަށެވެ. އެތަނުގެ ޑިޒައިނިންގެ މަސައްކަތަށް ވަރަށް އަވަހަށް މިނިސްޓްރީގެ ޓީމެއް ރަށަށް ވަޑައިގަންނަވާނެ ކަަމަށް އެމަނިކުފާނު ވިދާޅުވި އެވެ.
މި މަޝްރޫއުތައް ކުރިއަށް ގެންދަވާނެ ކަމަށް ރައީސް ވިދާޅުވީ ބޯހިޔާވަހިކަމާއި ފެނާއި ނަރުދަމާގެ މައްސަލަ އާއި ބަނދަރުގެ ޖާގައިގެ މައްސަލައާއި މަސްވެރިންގެ މައްސަލަތަކާއި ޒުވާނުންނަށް ފުޓްބޯޅަ ކުޅެވޭނެ ދަނޑެއް ނެތުމުން އެ މައްސަލަތަކަށް ހައްލެއް ހޯދައިދެއްވަން ކައުންސިލުން އެދުމުންނެވެ.
