ފިނޭންސް މިނިސްޓްރީން އާންމުކުރި ތަފާސްހިސާބުތަކުން އެނގޭ ގޮތުން ސަރުކާރުން ނެގި ލޯނުތަކަށް އެކަނި 2.2 ބިލިއަން ރުފިޔާ އަނބުރާ ދައްކަން ޖެހެ އެވެ. އެހެންވެ، ދޮޅު މަސް ތެރޭ މިވަނީ، ޖުމްލަ ދައްކަން ޖެހޭ އަދަދުގެ 20 ޕަސެންޓު ދައްކައިފަ އެވެ.
ދަރަނި އަދާކުރަން މި އަހަރު ޖުމްލަ 6.3 ބިލިއަން ރުފިޔާ ދައުލަތުން ހޭދަކުރަން ޖެހެ އެވެ. އަދި އަންނަ އަހަރު ދަރަނި އަދާކުރަން 8.7 ބިލިއަން ރުފިޔާ އަންބުރާ ދައްކަން ޖެހެ އެވެ. އަދި އެންމެ ބޮޑު ދަރަނި އަދާކުރަން ޖެހޭ 2026 ވަނަ އަހަރު 15 ބިލިއަން ރުފިޔާ ދަރަންޏަށް އަނބުރާ ދައްކަން ޖެހެ އެވެ.
ދައުލަތުގެ ޖުމްލަ ދަރަނި މިހާރު ހުރީ 124 ބިލިއަން ރުފިޔާގަ އެވެ. އެއީ ރާއްޖޭގެ އުފެއްދުންތެރިކަމުގެ ނިސްބަތުން 100 ޕަސެންޓަށް ވުރެ މަތީ އަދަދެކެވެ.
މިޚަބަރާއިމެދު ދެކެނީ ކިހިނެއް؟
+1
+1
+1
+1
+1
