މާލޭގެ ބޮޑުތަކުރުފާނު މަގު ފުޅާކޮށް، ތާރުއަޅައިގެން ޒަމާނީ ފެންވަރަށް ތަރައްގީކުރުމުގެ މަޝްރޫއުގެ ދަށުން ވެސްޓްޕާކް ސަރަހައްދު ބަނދުކުރމާއި ގުޅުގެން އެ ސަރަހައްދަށް ބަސް ދަތުރުކުރުން މެދުކަނޑާލާފައިވާ ކަމަށް އެމްޓީސީސީން ބުނެފިއެވެ.
އެމްޓީސީސީން ނެރުނު ބަޔާނެއްގައި ބުނެފައި ވަނީ މިއަދުން ފެށިގެން ވެސްޓަޕާކަށް ދިމާއަށް އޮންނަ ހަވީރި ހިނގުން މަގު ބަންދުކުރުމާއި ގުޅިގެން އޯކިޑް ރޫޓް އަދި އޮރެންޖް ހިޔާ ރޫޓްގެ ބަސްތައް ވެސްޓްޕާކް ބަސް ސްޓޯޕަށް މަޑުނުކުރާނެ ކަމަށެވެ.
އެ ކުންފުނި ނެރުނު ބަޔާނުގައި ވަނީ ވެސްޓްޕާކާ ދިމާލުން އޮންނަ ހަވީރީ މަގު ބަންދުކުރުމާ ގުޅިގެން އޯކިޑު ރޫޓާއި އޮރެންޖް ހިޔާ ރޫޓުގެ ބަސްތައް ވެސްޓްޕާކު ބަސް ސްޓޮޕަށް މަޑުނުކުރާނެ އަދި އެ ބަދަލާ ގުޅިގެން އެ ދެ ރޫޓުގެ ދަތުރުތައް ފެށޭނީ މާފަންނު މަދަރުސާ ކައިރީގައިވާ ބަސް ސްޓޮޕުން ކަމަށެވެ.
އަދި އެގޮތުން މަޖީދީ މަގުން އާންމު އުސޫލުން ދަތުރުކުރުމަށްފަހު، ހެންވޭރުން އެނބުރި މާފަންނަށް އަންނަ ބަސްތައް މަޑުކުރާނީ ކަނބާ އައިސާރަނީ ހިނގުމުން ގޮސް ސޯޝަލް ސެންޓަރު ބަސް ސްޓޮޕަށް މަޑު ކުރުމަށް ފަހު، ސަބުދެލި މަގުން މަޖީދީ މަގަށް ނުކުމެ އާންމު ރޫޓަށް ކަމަށްވެސް ވިދާޅުވިއެވެ.
އެ ބަދަލާ ގުޅިގެން ދިމާވެދާނެ ދަތިތަކަށް އެމްޓީސީސީ އިން ވަނީ މާފަށް އެދިފައެވެ. އަދި އެކަމާ ގުޅޭ އިތުރު މައުލޫމާތު އެމްޓީސީސީގެ ހޮޓްލައިން ނަމްބަރު 1650 އިން ލިބޭނެއެވެ.
