އަންނަ 2028 ވަނަ އަހަރުގެ ރިޔާސީ އިންތިހުބުގައި ޕީއެންސީގެ ފަރާތުން ވާދަކުރައްވާ ކެންޑިޑޭޓެއްގެ ގޮތުގައި، ރައީސް ޑރ. މުހައްމަދު މުއިއްޒަށް ޕާޓީގެ ރިޔާސީ ޓިކެޓް އެރުވުމަށް އެ ކޮންގްރެސްއިން އިއްތިފާގުން ފާސްކޮށްފިއެވެ.
ޕީއެންސީގެ މި ހާއްސަ ބައްދަލުވުމުގައި ބައިވެރިވި 1،119 މަންދޫބުންގެ އިއްތިފާގުން މި ގަރާރު ފާސްކުރިއިރު، މަޖިލީހަށް މި ގަރާރު ހުށަހަޅުއްވައިދެއްވީ މަންދޫބު އަބްދުﷲ އިބްރާހީމެވެ. ޕާޓީގެ އަސާސީ ގަވާއިދަށް ގެނައި އާ އިސްލާހުގެ ދަށުން، ވެރިކަމުގައި ހުންނަވާ ޕާޓީގެ ރައީސަކު ދެވަނަ ދައުރަކަށް ކުރިމަތިލައްވަން ބޭނުންފުޅުވެއްޖެނަމަ، ޕްރައިމަރީއަކާ ނުލައި ރިޔާސީ ޓިކެޓު ކަށަވަރުވާނެއެވެ. އެހެންކަމުން، މި ގަރާރުގެ މަގްސަދަކީ ދެވަނަ ދައުރަކަށް ވާދަކުރެއްވުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒަށް ދެންނެވުމެވެ.
މި ގަރާރު ހުށަހަޅުއްވަމުން އަބްދުﷲ އިބްރާހިމް ވިދާޅުވީ، 2023 ގެ އިންތިހާބު ކާމިޔާބު ކުރައްވައި ރައީސް މުއިއްޒު ވެރިކަމާ ހަވާލުވެވަޑައިގަތުމަށްފަހު ކުރައްވަނީ އަދުލުވެރި އަދި ރައްޔިތުންނަށް އޯގާތެރި ވެރިކަމެއް ކަމަށެވެ. އަދި ގައުމީ ފެންވަރުގައާއި ނާޒުކު ކަންކަމުގައި އެމަނިކުފާނު ކުރައްވަމުންދާ މުހިންމު މަސައްކަތްޕުޅުތަކަކީ ރައްޔިތުން ފަޚުރުވެރިކަމާއެކު ބަލައިގަންނަ ހިދުމަތްތަކެއްކަން އޭނާ ފާހަގަކުރެއްވިއެވެ. އަދި ރައްޔިތުންނަށް އޯގާތެރި، ޢަދުލުވެރި ވެރިކަމެއް ކޮށްދެއްވަމުން ގެންދަވާތީ، ޤައުމުގެ ހަމަޖެހުމާއި ތަރައްޤީއަށްޓަކައި އެމަނިކުފާނަށް ދެވަނަ ދައުރެއް ދިނުމަކީ ގައުމީ ވާޖިބެއްގެ ގޮތުގައި މަންދޫބުން ވަނީ ސިފަކުރައްވާފައެވެ.
އެހެންކަމުން، ޕާޓީގެ މެންބަރުންގެ ފުރިހަމަ އަގުލަބިއްޔަތާއި ތާއީދާއެކު ފާސްކުރި މި ގަރާރުގެ ދަށުން، ކުރިއަށް އޮތް ރިޔާސީ އިންތިހާބުގައި ޕީއެންސީގެ ރިޔާސީ ޓިކެޓުގައި ވާދަކުރެއްވުމަށް ރައީސް ޑރ މުއިއްޒަށް ދެންނެވުމަށް މިހާރު ވަނީ ނިންމާފައެވެ.
މިޚަބަރާއިމެދު ދެކެނީ ކިހިނެއް؟
+1
+1
+1
+1
+1
