ޕީޕަލްސް ނޭޝަނަލް ކޮންގްރެސް (ޕީއެންސީ)ގެ މެންބަރުންގެ މަޖިލީހުން ޒުވާނުންނަށް ހާއްސަކުރި ހަތް ގޮނޑިއަށް ބޭފުޅުން އިންތިހާބުކޮށްފިއެވެ.
ޕީއެންސީގެ މަތީ މަޖިލީހުގެ މެންބަރުންނާއި ނައިބުރައީސުން ހޮވުމުގެ އިންތިހާބު ބާއްވާފައިވާއިރު،
މި އިންތިހާބުގައި ޕާޓީގެ ނައިބުރައީސްކަމަށް ހަ ބޭފުޅަކު އިންތިހާބުކޮށްފައިވާއިރު، މަތީ މަޖިލީހުން އަންހެނުންނަށް ހާއްސަކުރި 10 ގޮނޑިއާއި ޒުވާނުންނަށް ހާއްސަކުރި 7 ގޮނޑިއަށް ވެސް ވަނީ މެންބަރުން ހޮވައިފައެވެ.
ޒުވާނުންނަށް ހާއްސަކުރި ހަތް މަގާމަށް ޖުމްލަ 12 މެންބަރަކު ވާދަކުރައްވާފައިވެއެވެ. އެއީ؛
ސިމާން ހާދީ – 881 ވޯޓް
އިބްރާހިމް އަދްޔާން ނިމާލް – 857 ވޯޓް
މަލްޝާ ޝަރީފް – 856 ވޯޓް
މުހައްމަދު އަސީލް – 852 ވޯޓް
ލުޖައިނުﷲ ޒުހެއިރު – 851 ވޯޓް
އިސްމާއިލް ރިފާއު – 850 ވޯޓް
ހައްމާދު ރަޝީދު – 849 ވޯޓް
ޒުވާނުންގެ ގޮނޑިތަކަށް ހޮވުނު ހަތް މެންބަރުންގެ ތެރެއިން އެންމެ ގިނަ ވޯޓު ހޯއްދެވީ ސިމާން ހާދީއެވެ. މަތީ މަޖިލީހުގެ އަންހެނުންނާއި ޒުވާނުންގެ މަގާމުތަކަށް ބޭފުޅުން ހޮވައި ނިމިފައިވާއިރު، އާއްމުކޮށް ހުޅުވާލައިގެން ހޮވާ 18 މެންބަރުންގެ ގޮނޑިއަށް 70 އަށްވުރެ ގިނަ ބޭފުޅުން ވަނީ ވާދަކޮށްފައެވެ.
ޕީއެންސީގެ އަސާސީ ގަވާއިދުގައިވާ ގޮތުން ކޮންމެ ފަސް އަހަރަކުން އެއްފަހަރު ބާއްވަންޖެހޭ ކޮންގްރެސް މިފަހަރު ކުރިއަށްދަނީ ސޯޝަލް ސެންޓަރުގައެވެ. މި މަހުގެ 15 އިން 18 އަށް ހަތަރު ދުވަހުގެ މުއްދަތަށް ކުރިއަށްގެންދާ މި ބައްދަލުވުމުގައި ރާއްޖޭގެ ހުރިހާ ރަށެއްގެ ކައުންސިލް ރައީސުންނާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ މެންބަރުންގެ އިތުރުން ޕާޓީގެ އިސް މަންދޫބުން ބައިވެރިވެއެވެ. މިއީ ޕާޓީގެ މުހިންމު މަގާމުތަކަށް މެންބަރުން ހޮވުމަށާއި ގަވާއިދަށް ބަދަލުތައް ގެނައުމަށް ބާއްވާ ހާއްސަ ކޮންގްރެސްއެކެވެ.
