ސަރުކާރުގެ ހިއްސާވާ ކުންފުނިތައް ކުޑަކޮށް، ހިންގުން ހަރުދަނާކުރުމުގެ ސިޔާސަތުގެ ދަށުން ފެނަކަ ކޯޕަރޭޝަނާއި ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އުވާލަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނިންމަވައިފި އެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި ރައީސް އިއުލާން ކުރެއްވި ގޮތުގައި، ފެނަކަ އުވާލުމަށްފަހު އެ ކުންފުނީގެ ހުރިހާ މަސައްކަތްތަކެއް ސްޓެލްކޯ އާ ހަވާލުކުރާނެއެވެ. އަދި އާރުޑީސީގެ މަސައްކަތްތައް ބަދަލުކުރާނީ އެމްޓީސީސީގެ ދަށަށެވެ.
“މިދިޔަ ސަރުކާރުން ފެނަކަ މިސްޔޫސް ކޮށްފައިވާ ކަން އެއޮތީ އޮޑިރ ޖެނެރަލް ރިޕޯޓްއިންވެސް ފެންނަން. ފެނަކަ ރަނގަޅުކޮށް ހިންގުމަށްޓަކައި ވަނީ މަސައްކަތްތަކެއް ކޮށްފައި. އެހެންނަމަވެސް އެކަމަކީ ދެމެހެއްޓެނިވި ގޮތެއްގައި ރަނަގޅުކުރެވޭނެ ކަމެއްގެ ގޮތެއްގައި ފަންނީ ބޭފުޅުން ވިދާޅުވާ ގޮތުން ކުރެވޭނެ ކަމަަކަށް ނުވޭ.”
