“އިސްކަންދަރު ވޯކާސް ޔޫނިއަން” އަކީ ގަވާއިދާ ޚިލާފު ނަމެއް: މިނިސްޓަރު ޝަފީއު

މިނިސްޓަރު  އިތުރަށް ބަޔާންކުރެއްވި ގޮތުގައި، ޓީޗަރުންނާއި މުވައްޒަފުންގެ ޙައްޤުތައް ހިމާޔަތްކުރުމަށް މަސައްކަތް ކުރުމުގެ ފުރުޞަތު އޮތް ނަމަވެސް، އެކަން ކުރަންވާނީ ކަނޑައެޅިފައިވާ ޤާނޫނީ އަދި އިދާރީ އިމުގެ ތެރެއިންނެވެ. ސަރުކާރުގެ ރަސްމީ މުއައްސަސާއެއްގެ ލޭބަލް ބޭނުންކޮށްގެން ހިންގާ ހަރަކާތްތަކުގެ ސަބަބުން، މަދަރުސާގެ ރަސްމީ ހިންގުމަށާއި ސިޔާސަތުތަކަށް ނޭދެވޭ އަސަރުކޮށް، އާންމުންގެ މެދުގައި އޮޅުންބޮޅުން އުފެދުމުގެ ފުރުޞަތު ބޮޑުކަމަށް މިނިސްޓަރު ފާހަގަކުރެއްވިއެވެ. އެހެންކަމުން، މިފަދަ ކަންކަމުގައި ދޫނުދެއްވާނެ ކަމަށާއި، ޤަވާއިދާ އެއްގޮތަށް ނަން ބަދަލުނުކުރާހާ ހިނދަކު މިނިސްޓްރީގެ އެއްބާރުލުން އެ ޔޫނިއަންއަށް ނުލިބޭނެކަން ވަޒީރު ސާފުކޮށްދެއްވިއެވެ.