“މާލީ އިދާރާތަކުގެ ކަންބޮޑުވުމަކީ ފިޗް އެއް ނޫން، ކުރީގެ ސަރުކާރުން ފައިސާ ޗާޕުކޮށް ދަރަނި ނެގުން”

މުންދު އިތުރަށް ބަޔާންކުރެއްވި ގޮތުގައި، ކުރީގެ ސަރުކާރުން ރާއްޖޭގެ އުފެއްދުންތެރިކަމުގެ ނިސްބަތާ ނުބައްދަލު މިންވަރަކަށް ދަރަނި ނަގާފައިވުމަކީ މިހާރުގެ ސަރުކާރަށް މާލީ ގޮތުން ކުރިމަތިވެފައިވާ އެންމެ ބޮޑު ތާށިކަމެވެ. އަދި މިހާރުގެ ސަރުކާރުން އިސްކަންދެނީ ދުނިޔޭގެ މާލީ އިދާރާތަކުގެ އިތުބާރު އަލުން ހޯދުމަށާއި، ފައިސާ ޗާޕުކުރުން ހުއްޓާލައި، އިގްތިސާދު ހަމަމަގަށް އެޅުވުމަށް ހަރުދަނާ މާލީ އިސްލާހީ ފިޔަވަޅުތަކެއް އެޅުމަށް ކަމަށްވެސް ތަރުޖަމާނު ފާހަގަކުރެއްވި އެވެ.

 ބައިނަލްއަގުވާމީ ރޭޓިން އެޖެންސީއެއް ކަމަށްވާ ފިޗުން ރާއްޖޭގެ ކްރެޑިޓް ރޭޓިން ‘ސީ.ސީ.ސީ’ އަށް ވަނީ ދައްކޮށްފައެވެ.ނަމަވެސް، މިހާރުގެ ސަރުކާރުން އެމް.އެމް.އޭ މެދުވެރިކޮށް ފައިސާ ޗާޕުކުރުން ނުވަތަ އޯވަޑްރާފްޓް ކުރުން ހުއްޓާލާފައިވާއިރު، އިގްތިސާދީ މާހިރުން ވިދާޅުވާ ގޮތުގައި ކުރީގެ ސަރުކާރުން ކޮވިޑް-19 ގެ ދުވަސްވަރާއި އޭގެ ފަހުން ޖުމްލަ 8 ބިލިއަނަށްވުރެ ގިނަ ރުފިޔާ ޗާޕުކުރުމުގެ ސަބަބުން ބާޒާރުގައި ދިވެހި ރުފިޔާ ގިނަވެ، ޑޮލަރުގެ އަގު ބޮޑުވެ، ދައުލަތުގެ ޖުމްލަ ދަރަނި ވަނީ 120 ބިލިއަން ރުފިޔާ އަށްވުރެ މައްޗަށް އަރާފައެވެ. މި ބޮޑު ދަރަންޏާއި މާލީ ތާށިކަމުން އަރައިގަތުމަށްޓަކައި މިހާރުގެ ސަރުކާރުން އަންނަނީ ޚަރަދު ކުޑަކުރުމަށާއި އާމްދަނީ އިތުރުކުރުމަށް މާލީ އިސްލާހީ ފިޔަވަޅުތަކެއް އަޅަމުންނެވެ.