މެދު އިރުމަތީގައި ހިނގަމުންދާ ކަންކަމާ ގުޅިގެން ރާއްޖޭގެ އުމްރާވެރިން ދިވެހި ޚާރިޖިއްޔާގެ އިލްތިމާސްތަކާއި ސަޢުދީ ޢަރަބިއްޔާގެ ސަރުކާރުގެ އިރުޝާދުތަކަށް ތަބާވުމަށް އިސްލާމީ ކަންތައްތަކާ ބެހޭ ވަޒީރު އިލްތިމާސް ކުރައްވައިފި އެވެ.
މިނިސްޓަރ އެކްސްގައި ކުރެވި ޕޯސްޓެއްގައި އިތުރަށް ވިދާޅުވެފައިވަނީ، މެދު އިރުމަތީގައި ހިނގަމުންދާ ކަންކަމާ ގުޅިގެން ރާއްޖޭގެ އުމްރާވެރިންގެ ކަންކަން ވަރަށް ގާތުން ބަލަމުން އަންނަ ކަމަށެވެ.
މީގެ އިތުރުން، މި ރޯދަމަހާ ދިމާކޮށް ހައްޖު ކޯޕަރޭޝަންގެ އިތުރުން 20 ކުންފުންޏަކުން ޖުމުލަ 2 ހާހަށް ވުރެ ގިނަ އުމްރާވެރިން މިފަހަރު އުމްރާގެ އަޅުކަން އަދާ ކުރާކަމަށް ވެސް މިނިސްޓަރ ވަނީ ވިދާޅުވެފައެވެ. އަދި މީގެ ތެރެއިން ބައެއް ކުންފުނިތަކުން ރޯދަ މަހު 15 ވަނަ ދުވަހު ފުރާގޮތައް ރާވާފައިވާ ކަމަށްވެސް މިނިސްޓަރ ވަނީ ފާހަގަކޮށްފައެވެ.
މިވަގުތު މައްކާގައި ތިބި އުމްރާވެރިންގެ ހާލަތު ވަރަށް ގާތުން ބަލަމުންދާ ކަމަށް އިސްލާމީ ކަންތައްތަކާ ބެހޭ ވުޒާރާއިން ވަނީ ބުނެފައެވެ.
