ވިޔަފާރިވެރިންނަށް ފަސޭހަ ކުރުމަށްޓަކައި 3،000 އަކަފޫޓުގެ ޝެޑެއް ވިޔަފާރި ބަނދަރުގައި ހަދާފައިވާ ކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ބުނެފިއެވެ.
އެކުންފުނިން ބުނިގޮތުގައި މިފަދައިން 3000 އަކަފޫޓުގެ ހިޔާ ކުރެވިފައިވާ ޝެޑެއް ހަދާފައި ވަނީ އަވަހަށް ހަލާކުވާ ޒާތުގެ ކާބޯތަކެތީގެ ބާވަތްތައް މިރަމަޟާން މަހުގެ ތެރޭގައި ވީހާވެސް އަވަހަށް ވިޔަފާރިވެރިންނަށް ކްލިއާކުރެވޭނެ މަގު ފަހިކޮށްދިނުމުގެ ގޮތުން ނެވެ. މި ޝެޑް ހެދުމުން، އަވަހަށް ހަލާކުވާ ޒާތުގެ ކާބޯތަކެތި އަވަހަށް ބާލައި، ބެހެއްޓުމަށް އިތުރު ޖާގައެއް ލިބި، މިފަދަ ހަލުވި ކަމާއެކު ކްލިއަރކުރުމަށް މަގުފަހިވެގެންދާނެކަމަށް ވެސް އެކުންފުނިން ބުނެފައިވެ އެވެ.
މާލޭ ވިޔަފާރި ބަނދަރުން އިއްޔެ މެންދުރާ ހަމައަށް، 13،113 ޕެކޭޖްގެ އަވަހަށް ކުނިވާ ޒާތުގެ މުދާ ވަނީ ކްލިއަރކޮށްފައެވެ. އެއީ ޖުމްލަ 480 ޓަނޭޖްގެ ޕެރިޝަބަލް މުދާކަމަށް އެމްޕީއެލުން ވަނީ ބުނެފަ އެވެ.
މާލޭ ވިޔަފާރި ބަނދަރުގައި އިއްޔެ އޮތް ހުރިހާ ބޯޓެއް އެމްޕީއެލުން ވަނީ ކުލިއާ ކޮށްފައެވެ. އަދި ރޭ 00:00 އާ ހަމައަށް ކްލިއާކުރުމުގެ މަސައްކަތްތައް އެކުންފުނިން ވަނީ ކުރިއަށް ގެންގޮސްފައެވެ.
