ރޯދަމަހަށް އެމްޓީސީސީގެ ބަހާއި ފެރީ ޝެޑިއުލަށް ބަދަލުތަކެއް

ރޯދަ މަހާ ދިމާކޮށް މިފަހަރު ވެސް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕަނީ (އެމްޓީސީސީ)ގެ ބަހާއި ފެރީ ޝެޑިއުލަށް ބަދަލުތަކެއް ގެނެސްފިއެވެ.

މި ރަމަޟާން މަހާ ދިމާކޮށް މާލެ ސަރަހައްދުގައި ފޯރުކޮށްދޭ ބަހާއި ފެރީގެ ހިދުމަތަށް ވަނީ ގިނަ ބަދަލުތަކެއް ގެނެސްފައެވެ. އެގޮތުން މި ހިދުމަތްތައް ހަވީރަށް މެދުކަނޑާލުމަށް ވަނީ ނިންމާފަ އެވެ.

ބަހުގެ ހިދުމަތް

• މާލެ- ހުޅުމާލެ- މާލެ ބަސް: 17:00 އިން 19:20
• ހުޅުމާލެ- އެއާޕޯޓު- ހުޅުމާލެ ބަސް : 17:00 އިން 19:00
• މާލެ- އެއާޕޯޓު-މާލެ ބަސް: 17:00 އިން 18:40
• ހުޅުމާލެ އިންޓާނަލް ބަސް: 17:15- 19:15
• މާލެ އިންޓާނަލް ބަސް: 21:00 އިން 18:00
• ވިލިމާލެ ބަސް: 18:00 އިން 19:00

ފެރީގެ ހިދުމަތް

• މާލެ- ވިލިމާލެ- މާލެ ފެރީ: 17:50 – 19:00 އަށް
• މާލެ ތިލަފުށި- މާލެ ފެރީ: 16:15 އިން 17:00
• ހުޅުމާލެ- މާލެ- ހުޅުމާލެ: 15:00ގެ ފަހުން އިތުރު ދަތުރެއް ނުކުރާނެއެވެ.

އެމްޓީސީސީން ވަނީ ޝެޑިއުލްތަކަށް ގެނެސްފައިވާ މި ބަދަލުތަކުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް މައާފަށް އެދިފައެވެ. އަދި ރޯދަމަހުގެ ޝެޑިއުލަށް މި ގެނައި ބަދަލަށް ބަލައިގެން އެކުންފުނީގެ ދަތުރުތަކުގެ ހިދުމަތް ހޯދުމަށް އެ ކުންފުނިން ވަނީ ކަސްޓަމަރުންނަށް އިލްތިމާސްކޮށްފައެވެ.