ބޮޑުތަކުރުފާނު މަގު ތަރައްގީ ކުރުމުގެ މަޝްރޫއުގެ ތެރެއިން ދެވަނަ ސެގްމެންޓްގެ މަަސައްކަތް ނިންމާލުމަށް ފަހު އާންމުންނަށް ހުޅުވާލައިފި އެވެ.
މި މަޝްރޫއުގެ ދެވަނަ ސެގްމެންޓް ގެ ދަށުން ތަރައްގީކުރީ ލޯކަލް މާރުކޭޓު ސަރަހައްދުން ފެށިގެން ނޯތު ހާބަރާ ހަމަޔަށެވެ. އެ ސަރަހައްދުގައި ތާރު އެޅުން ނިންމާލީ މިިދިޔަ ބުދަ ދުވަހު އެވެ.
ބޮޑުތަކުރުފާނު މަގުގެ މަޝްރޫއަކީ 55.95 މިލިއަން ރުފިޔާއަށް 210 ދުވަސްތެރޭ ނިންމުމަށް އެމްޓީސީސީއާ ހަވާލުކޮށްފައިވާ މަޝްރޫއެކެވެ.
މި މަޝްރޫއުގެ ސްކޯޕުގެ ދަށުން 830 މީޓަރުގެ މަގެއް ވަނީ ހަދާ، 737 މީޓަރުގެ ސަރަހައްދެއްގައި ޝީޓް ޕައިލް މަސައްކަތް ވަނީ ކޮށްފަ އެވެ. އަދ،ި ސަބްބޭސް އާއި އޭބީސީ ތައްޔާރުކޮށް ތާރު އަޅ،ާ ހިނގާ މީހުންނަށް ވަކި ލޭނެއް ގާއިމުކޮށް، ފެންހިންދާ ނިޒާމެއްވެސް ވަނީ ގާއިމުކޮށްފަ އެވެ. އެމްޓީސީސީން މި މަސައްކަތްތައް އެއްކޮށް ނިންމާފައި ވަނީ މިދިޔުަ ހަފްތާގައެވެ.
މި މަޝްރޫއުގެ ސަބަބުން މަގުގައި ހިނގާ މީހުންނަށާއި ދުއްވާ އުޅަނދުތަކަށް ވަރަށް ބޮޑު ލުޔެއް ލިބިގެންދާނެ ކަމަށް އެމްޓީސީސީން ވަނީ ފާހަގަކޮށްފައެވެ.
