ބޮޑުތަކުރުފާނުމަގު ތަރައްގީކުރުމުގެ މަޝްރޫއުގެ ދެވަނަ ފިޔަވަހި ނިމުމާ ގުޅިގެން ގަސް އިންދުމުގެ ހަރަކާތެއް ބާއްވައިފި އެވެ.
މި ހަރަކާތަކ،ީ މި މަޝްރޫއުގެ ދެވަނަ ފިޔަވަހީގެ މަސައްކަތް ރަސްމީކޮށް ނިމުނުކަން ފާހަގަ ކުރުމުގެ ގޮތުން އެމްޓީސީސީން ބޭއްވި ހަރަކާތެކެވެ. މި ގަސް އިންދުމުގެ ހަރަކާތުގައި ހައުސިން މިނިސްޓަރު ޑރ. އަބްދުﷲ މުއްތަލިބާއ،ި ސަރުކާރުގެ ވަޒީރުންނާއ،ި އެމްޓީސީސީގެ މެނޭޖިން ޑައިރެކްޓަރު، އަހުމަދު ސައުދީ އަދި ސަރުކާރުގެ ބައެއް ކުންފުނިތަކުގެ އިސްވެރިންވެސް ބައިވެރިވެވަޑައިގަނެފައިވެއެވެ.
ބޮޑުތަކުރުފާނުމަގު ފުޅާކޮށް ތަރައްގީކުރުމުގެ މަޝްރޫއުގެ ފުރަތަމަ ފިޔަވަހި ނިންމާ ހުޅުވާލާފައިވަނީ 8 ޑިސެމްބަރު 2025 ވަނަ ދުވަހު އެވެ. މި މަޝްރޫއުގެ ސްކޯޕުގެ ދަށުން 830 މީޓަރުގެ މަގެއް ވަނީ ހަދާ، 737 މީޓަރުގެ ސަރަހައްދެއްގައި ޝީޓް ޕައިލް މަސައްކަތް ވަނީ ކޮށްފަ އެވެ. އަދ،ި ސަބްބޭސް އާއި އޭބީސީ ތައްޔާރުކޮށް ތާރު އަޅ،ާ ހިނގާ މީހުންނަށް ވަކި ލޭނެއް ގާއިމުކޮށް، ފެންހިންދާ ނިޒާމެއްވެސް ވަނީ ގާއިމުކޮށްފަ އެވެ. މި މަޝްރޫއަކީ 144.50 މިލިއަން ރުފިޔާއަށް 455 ދުވަސްތެރޭ ނިންމުމަށް އެމްޓީސީސީއާ ހަވަލުލުކޮށްފައިވާ މަޝްރޫއެއް ނަމަވެސް މި މަޝްރޫއުވަނީ މިޔަށްވުރެ ކުރިން ނިންމާ ސަރުކާރާއި ހަވާލުކޮށްފަ އެވެ.
މި މަގުގެ ދެވަނަ ފިޔަވަހި ނިންމުމަށް ފަހު އާންމުންނަށް މިއަދު ހުޅުވާލުމަށް ވަނީ ހަމަޖެހިފަ އެވެ. މި މަޝްރޫއަކީ 55.95 މިލިއަން ރުފިޔާއަށް 210 ދުވަސްތެރޭ ނިންމުމަށް އެމްޓީސީސީއާ ހަވަލުލުކޮށްފައިވާ މަޝްރޫއެއް ނަމަވެސް، އެމްޓީސީސީ މުވައްޒަފުން ގައުމީ ހީދުމަތުގެ ރޫހުގައި ނިކުމެ ރެކޯޑު މުއްދަތެއްގެ ތެރޭގައި މި މަސައްކަތް މިވަނީ ނިންމާ ސަރުކާރާއި ހަވާލުކޮށްފަ އެވެ. މި މަސައްކަތް ނިންމުމަށްޓަކައި ކޮންސްޓަރަކްޝަން މިނިސްޓްރީއާއި އަދި އެހެނިހެން ސަރުކާރުގެ އެސ.ްއ.ޯއީތައް ވެދެއްވި އަގުހުރި އެހީތެރިކަން ވަނީ އެމްޓީސީސީގެ މެނޭޖިން ޑައިރެކްޓަރު މީޑިއާއަށް ދެއްވި އިންޓަވިއުގައި ފާހަގަކޮށް އެބޭފުޅުންނަށް ޝުކުރު އަދާކޮށްފައެވެ.
