ދުންފުހުގެ އަސަރު ކުރިއަށް އޮތް ފަސް ދުވަހުގައި ރާއްޖެއަށް ވަރަށް ގަދައަށް ކުރާނެ ކަމަށް ގައުމީ މޫސުމާ ބެހޭ އިދާރާ (މެޓް) އިން ބުނެފިއެވެ.
މެޓުން ބުނިގޮތުގައި، ދުންފުހުގެ އަސަރު ރާއްޖޭގެ ހުރިހާ ސަރަހައްދަކަށް ކުރާނެ ކަމަށާއި، ހާއްސަކޮށް އުތުރާއި މެދުރާއްޖެއަށް ވަރަށް ބޮޑަށް ކުރާނެ ކަމަށެވެ. އަދި ކުރިއަށް އޮތް ފަސްދުވަހު ވެސް ވައި ނުސާފުވާނެ ކަމަށް ބުނެފައިވެެއެވެ.
މެޓުން ހާމަކުރިގޮތުގައި މޫސުމާ ބެހޭ ރިޕޯޓްތަކުގައި ދުރުފެންނަ މިންވަރު 3 ކިލޯމީޓަރަށް ވުރެ ދަށުން ނެވެ. އެހެންކަމުން، ބޭރުގައި އެކު ހަރަކާތްތަކުގައި އުޅޭ ފަރާތްތަކާއި، ކަނޑުދަތުރުކުރާ ފަރާތްތަކުން ވެސް މިކަމަށް ހާއްސަ ސަމާލުކަމެއް ދިނުމަށް މެޓުން ވަނީ އެދިފައެވެ.
ދުން ފުހުން ރައްކާތެރިވުމަށް އެޅިދާނެ ފިޔަވަޅުތައް:
- ނޭވާލާ ނިޒާމުގައި މައްސަލަ ހުންނަ މީހުން ބޭރުގައި ކުޅިވަރުތައް ނުކުޅުން
- ބޭރަށް ނިކުންނައިރު މާސްކުއެޅުން
- ގޭގެ ދޮރުތައް ލައްޕާފަ ބެހެއްޓުން
- އެއާ ޕިއުރިފައިއާ ބޭނުންކުރުން.
އުތުރު އިންޑިއާގެ ހިމާލިޔަން ސަރަހައްދުގައި ވައި ތަގައްޔަރުވުމުގެ އަސަރު ރާއްޖެ އަށް މިދިޔަ އަހަރު ވެސް ކޮށްފައި ވާއިރު މި އަހަރު ވެސް އުތުރު އިންޑިއާގައި މި ދުވަސްވަރު ވަނީ ވަރަށް ބޮޑަށް ވައި ނުސާފުވެ ދަތުރުފަތުރަށް ވެސް ހުރަސްއެޅިފަ އެވެ.
