ނޯތު ހާބަރުގައި، ކުރިން ކެފޭ ހިންގި ތަނުގައި ރޯދައަށް ވަގުތީ މާރުކޭޓެއް ހުޅުވާނެކަމަށް އެގްރިކަލްޗާ މިނިސްޓްރީން ބުނެފިއެވެ.
އެ މިނިސްޓްރީން ބުނިގޮތުގައި އަންނަ ރޯދަ އަށް ހާއްސަކޮށްގެން ހުޅުވާ މި މާރުކޭޓުގައި ދަނޑުވެރިން އުފައްދާ ތަކެތި ފަސޭހައިން ވިއްކޭނެ އިންތިޒާމް ހަމަޖެހިގެން ދާނެކަމަށެވެ. އަދި މި މާރުކޭޓުގައި ތަކެތި ވިއްކުމަށް ދަނޑުވެރިކަން ކުރާ 7 ރަށަކުން ބައިވެރިވެފައިވާ ކަމަށް ވެސް ވަނީ ބުނެފައެވެ.
މި މާރުކޭޓަކީ މޯލްޑިވްސް ގުޑް އެގްރިކަލްޗަރަލް ޕްރެކްޓިސެސް(އެމްގެޕް) ސެޓިފައިޑް ވެފައިވާ 10 ދަނޑުގެ އުފެއްދުންތައް ލިބެން ހުނާނެ މާރުކޭޓެކެވެ. މި މާރުކޭޓު ހުޅުވާނީ މިމަހުގެ17 ވަނަ ދުވަހުގަކަމަށް އެވުޒާރާއިން ވަނީ ބުނެފައެވެ.
މި މާރުކޭޓުން ވިއްކާނީ ރާއްޖޭގެ ދަނޑުތަކުގައި، އުފައްދާ ތަކެއްޗެވެ. އަދި މި މާރުކޭޓުގައި ތަކެތި ވިއްކުމުގައި ހަރަކާތްތެރި ވާނީ ދިވެހިންކަމަށް މިނިސްޓްރީން ވަނީ ބުނެފަ އެވެ.
