ކުރިއަށް އޮތް ލޯކަލް ކައުންސިލް އިންތިހާބުގެ 28 ގޮނޑި އިންތިހާބަކާ ނުލައި ޕީއެންސީއަށް ލިބިފައިވާ ކަމަށް އިލެކްޝަން ކޮމިޝަން (އީސީ) އިން ބުނެފިއެވެ.
އީސީން ބުނިގޮތުގައި މި އަހަރުގެ އޭޕްރިލް މަހުގެ 4 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލްތަކުގެ އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބައް ކުރިމަތިލުމަށް މުއްދަތު ހަމަވިއިރު އިންތިހާބު ކުރަންޖެހޭ އަދަދަށް ކުރިމަތިލާފައިވާ ދާއިރާތަކާއި، ޝަރުތު ހަމަވާ ކެންޑިޑޭޓުންގެ ނަންތައް ތަރުތީބުކޮށް، ގުރުއަތުލުން އޮންނަ ތަނުގައި ނަންތައް އިއުުލާނުކުރުމުގެ ކުރިން ނަން އަނބުރާ ގެންދިޔުމާ ގުޅިގެން ގޮނޑިތަކަށް އިންތިހާބުވި ކެޑިޑޭޓުންގެ މައުލޫމާތު އާންމުކޮށްފައެވެ.
އެގޮތުން، މިކައުންސިލް އިންތިހާބުގައި 28 ގޮނޑި އިންތިހާބަކާ ނުލައި ޕީއެންސީއަށް ލިބިފައިވާ ކަމަށް އީސީގެ ނެރެފައިވާ މި މައުލޫމާތު ތަކުން ވަނީ ކަށަވަރުވެފައެވެ. މިއާއެކު، އެމްޑީޕީ އާއި އަދާލަތު ޕާޓީއަށް ލިބިފައި ވަނީ އެންމެ ކައުންސިލް ގޮނޑިއެކެވެ. އަދި އަމިއްލަ ގޮތުން ކުރިމަތިލި ތިން ކެންޑިޑޭޓަކު ވަނީ ކައުންސިލް ގޮނޑި ލިބިފައެވެ.
އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ 41 ގޮނޑިއެއް ޕީއެންސީއަށް ވަނީ ލިބިފައެވެ. މިއާއެކު، އެމްޑީޕީއަށް ލިބިފައި ވަނީ އެންމެ ފަސް ގޮޑިއެވެ. އަދި އަދާލާތު ޕާޓީއަށް އެއްގޮޑި، އަމިއްލަ ގޮތުން ކުރިމަތިލި ދެ މީހަކަށް ވަނީ އަންހެންގެ ތަރައްގީއަށް މަސައްކަތް ކުރާ ކޮމެޓީގެ ގޮނޑި ލިބިފައެވެ.
