20 ރުފިޔާގެ ނޫޓުގެ ސްޓޮކް މަދުވުމާ ގުޅިގެން އާ ސްޓޮކެއް ގެނެސްފި އެވެ.
އެމްއެމްއޭއިން ބުނިގޮތުގައި އެއޮތޯރިޓީން ނެރެފައިވާ ރަން ދިހަފަހެއް ނޫޓު ސީރީޒްގެ ނޫޓުތަކުގެ ތެރެއިން 20 ރުފިޔާގެ ނޫޓުގެ ސްޓޮކް މަދުވުމުގެ ސަބަބުން މިއަދު އައު ސްޓޮކެއް ވަނީ ގެނެސްފަ އެވެ.
މި މަހުގެ ދެވަނަ ދުވަހުގަ ވެސް އެމްއެމްއޭއިން ވަނީ 100 ރުފިޔާގެ ނޫޓްގެ އައު ސްޓޮކެއް ރާއްޖެއަށް ގެނެސްފައެވެ. މި ސްޓޮކަކީ ވެސް100 ރުފިޔާ ނޫޓްގެ ސްޓޮކް މަދުވެގެން ގެނެސްފައިވާ ސްޓޮކެއް ކަމަށް އެ އިދާރާއިން ބުނެފައިވެއެވެ.
ރާއްޖޭގައި މިހާރު ބޭނުންކުރަމުންދާ ‘ރަންދިހގަ ފަހެއް’ ނޫޓަކީ ރައީސް ޔާމީންގެ ސަރުކާރުގައި ދިވެހިރާއްޖެއަށް50 އަހަރު ފުރުމާ ގުޅިގެން2016 ވަނަ އަހަރުގައި ތައާރަފްކޮށްފައިވާ ނޫޓް ސީރީޒްއެކެވެ. މި ނޫޓްތަކުން ރާއްޖޭގެ ސަގާފަތާއި ރާއްޖޭގެ ގުދުރަތީ ރީތިކަމުގެ އިތުރުން ދިވެހިންގެ އަމިއްލަ ވަންތަކަން ދައްކުވައިދެއެވެ.
