މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ކާގޯ ޑިސްޕޯސަލް ހިދުމަތް ދޭން ފަށައިފިއެވެ.
އެމްޕީއެލުން އަންނަނީ ރޯދަމަހަށް ތައްޔާރުވުމުގެ ގޮތުންނާއި އެކުންފުނީގެ ހިދުމަތްތައް ހޯދާފަރާތްތަކަށް ފަސޭހަ ކުރުމުގެ ގޮތުން، އެކުންފުނީގެ ގިނަ އޮޕަރޭޝަން ހިދުމަތްތަކަށް ބަަދަލުގެންނަމުންނެވެ. އެގޮތުން، އެމްޕީއެލުން ވަނީ ކާގޯ ޑިސްޕޯސަލްގެ ހިދުމަތް ފަށާފައެވެ.
ކުރިން ކާގޯ ޑިސްޕޯސަލް ކުރުމަށް، ކަސްޓަމަރުން ޖެހެނީ އަމިއްލައަށް ބޯއްޓެއް ހިފައިގެން ތިލަފުއްޓަށްދާށެވެ. ނަމަވެސް، އެމްޕީއެލުން މިގެނައި ބަދަލާއެކު، މިހާރު އެމްޕީއެލް ސަރަހައްދުތެރޭގައި ކާގޯ ޑިސްޕޯސަލް ކުރެވޭނެއެވެ.
މި ހިދުމަތް ހޯދަންބޭނުންވާ ފަރާތްތަކުން އެމްޕީއެލްއަށް ސީސީކޮށް ކަސްޓަމްސް އަށް ސިޓީއެއް މެއިލްކުރަންޖެހޭނެއެވެ. ދެން ކަސްޓަމަރު ސިޓީ ގައި ބުނާ ދުވަހާއި ގަޑި އަކަށް ކަސްޓަމްސ،ް އެމް.އެފް.ޑ.ިއ،ޭ ކިލިއަރަންސް އަދި ޑިސްޕޯސަލް އޮފިސަރުންގެ ހާޒިރުގައި އެތަކެތި ޑިސްޕޯސް ކޮށްލާނީއެވެ. ކަސްޓަމަރުން ހުށައަޅާ މިސިޓީގައި ބީ.އެލް ނަންބަރު ޖަހަންވާނެ ކަމަށް އެމްޕީއެލުން ބުނެފައިވެއެވެ.
އެމްޕީއެލުން މައުލޫމާތު ދިން ގޮތުގައި ރޯދައިގެ ފަހުން ވެސް މި ހިދުމަތް މިގޮތައް ދިނުމަށް ވަނީ ހަމަޖެހިފައެވެ. މި ބަދަލާއެކު ކަސްޓަމަރުންގެ ވަގުތު ސަލާމަތްވެ، އަތުންދާ ހަރަދުވެސް ކުޑަވެގެންދާނެ ކަމަށް އެކުންފުނިން ބުނެފައިވެއެވެ.
