މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ހާއްސަ ޑިސްކައުންޓުތަކާއެކު “ސާބަސް ޔަންމާ ޕްރޮމޯ 2026” ފަށައިފިއެވެ.
މި ޕްރޮމޯޝަން ފަށާފައި ވަނީ ހުޅުމާލޭގެ ސެންޓްރަލް ޕާކުގައި މިހާރު ކުރިއަށްދާ މޯލްޑިވެސް މެރިން އެކްސްޕޯގައި ބޭއްވި ހާއްސަ ހަފްލާއެއްގައެވެ. މި ޕުރޮމޯޝަން ފައްޓަވާ ދެއްވާފައި ވަނީ އެމްޓީސީސީގެ މެނޭޖިން ޑިރެކްޓަރު މުހައްމަދު ޖަމްޝީދެވެ.
މި ޕުރޮމޯޝަން ކުރިއަށް ދާނީ ފެބްރުއަރީ މަހުގެ 15 ވަނަ ދުވަހުން ފެށިގެން މާޗް މަހުގެ 31 ވަނަ ދުވަހުގެ ނިޔަލަށް ކަމަށް އެމްޓީސީސީން ބުނެފައިވެއެވެ. މި ޕުރޮމޯޝަނުގައި ކަސްޓަމަރުންނަށް ލުއިފަސޭހަ އަގުތަކެއްގައި ޔަންމާ އިންޖީނު ގަތުމުގެ ފުރުސަތު ލިބިގެންދާނެ ކަމަށް ވެސް އެ ކުންފުނިން ބުނެފައިވެއެވެ. އެގޮތުން، މި ޕްރޮމޯޝަންގެ ދަށުން ގަންނަ ކޮންމެ ޔަންމާ އިންޖީނަކުން 8 އިންސައްތައިގެ ޑިސްކައުންޓެއް ކަސްޓަމަރުންނަށް ލިބިގެންދާނެއެވެ.
މި ޕްރޮމޯޝަންގައި ބައިވެރިވެ ޑިސްކައުންޓް ހޯދުމަށްޓަކައި، މާރޗް 31 ގެ ކުރިން 10 އިންސައްތައިގެ ބުކިން ފީއެއް ދައްކައި، އިންޖީނު އޯޑަރު ކަށަވަރުކުރަން ޖެހޭނެކަމަށް އެކުންފުނިން ބުނެފައިވެއެވެ.
އެމްޓީސީސީގެ “ކަށަވަރު” ފޭސްބުކް ޕޭޖު މެދުވެރިކޮށް ހާއްސަ ލަކީ ޑްރޯއެއްގައި ބައިވެރިވުމުގެ ފުރުސަތުވެސް މިހާރު ވަނީ އާންމުންނަށް އެކުންފުނިން ހުޅުވާލާފައެވެ. މި ލަކީ ޑުރޯ ކާމިޔާބު ކުރައްވާ ފަރާތްތައް8 ފެބްރުއަރީގައި އިއުލާން ކުރާނެ އެވެ. އަދި ނަސީބުވެރި ފަރާތްތަކަސް10،000 ރުފިޔާގެ ފައިސާގެ އިނާމެއް ލިބިގެންދާނެއެވެ.
