މޯލްޑިވްް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން “ބޮޑުކަންނެލި މަސްވެރިން ޔޫނިއަން” އާއެކު ހާއްސަ އެއްބަސްވުމެއްގައި ސޮއިކޮށްފިއެވެ.
މި އެއްބަސްވުމަކީ އެމްޓީސީސީގެ ކަށަވަރު ޕުރޮޑަކްޓްތަކުން ބޮޑުކަންނެލި މަސްވެރިން ޔޫނިއަންގެ މެންބަރުންނަށް ތަފާތު ޑިސްކައުންޓުތައް ލިބޭނެ ގޮތަށް ސޮއިކޮށްފައިވާ އެއްބަސްވުމެކެވެ.
މި އެއްބަސްވުމުގައި ދެފަރާތުގެ މެދުގައި ސޮއިކޮށްފައި ވަނީ މިހާރު ސެންޓުރަލް ޕާކުގައި ކުރިއަށްދާ މޯލްޑިވްސް މެރިން އެކްސްޕޯގައެވެ. މި އެއްބަސްވުމުގައިވާގޮތުން އެމްޓީސީސީން ވިއްކާ ޔަމަހާ ސްޕެއާ ޕާޓްސްތަކަށް 10 އިންސައްތައިގެ ޑިސްކައުންޓް އަދި ކާސްޓްރޯލް ޕްރޮޑަކްޓްތަކުން 8 އިންސައްތައިގެ ޑިސްކައުންޓެއް މަސްވެރިންނަށް ދޭނެއެވެ.
މިއީ އެމްޓީސީސީން މިފަދަ ޔޫނިއަންއަކާ އެކު ސޮއިކުރި ފުރަތަމަ އެއްބަސްވުންކަމަށް އެކުންފުނިން ފާހަގަކުރި އެވެ. އަދި މި އެއްބަސްވުުމުގެ މަގުސަދަކީ އެމްޓީސީސީގެ ކަށަވަރު ޕްރޮޑަކްޓުތައް އަގުހެޔޮކަމާއެކު މަސްވެރިންނަށް ލިބެން ހުރުންކަމުގަ ވެސް އެކުންފުނިން ބުނެފައިވެއެވެ.
