މިއަހަރުގެ ޖެނުއަރީ މަހުގެ ތެރޭގައި ރާއްޖެއަށް 224،000 އަށް ވުރެ ގިނަ ފަތުރުވެރިން ޒިޔާރަތް ކޮށްފި އެވެ.
މި އަހަރުގެ ޖެނުއަރީ މަހުގައި 224،788 ޓުއަރިސްޓުން ރާއްޖެއަށް ޒިޔާރަތްކޮށްފައިވާ ކަމަށް މިިނިސްޓަރު ވަނީ ވިދާޅުވެފައެވެ. މިއީ މިދިޔަ އަހަރު ރާއްޖެއަށް ޒިޔާރަތްކޮށްފައިވާ 224،455 ފަތުރުވެރިންނަށް ވުރެ ބޮޑު އަދަދެކެވެ. މިނިސްޓަރު ވިދާޅުވި ގޮތުގައި މިއީ ރާއްޖޭގެ ފަތުރުވެރިކަމަށް ލިބުނު އިތުރު ކުރިއެރުމެކެވެ.
ޖެނުއަރީ މަހުގައި މިފަދަ ބޮޑު ކާމިޔާބެއް ލިބުމަކީ މިއަހަރުގެ ފަތުރުވެރިކަން އިތުރަށް ރަނގަޅުވެގެން ދާނެ ކަމެއްކަމަށް ޓޫރިޒަމް މިނިސްޓަރު އިބްރާހީމް ތޯރިގް ފާހަކުރައްވާފައިވެ އެވެ. އަދި މިނިސްޓަރު ވިދާޅުވިގޮތުގައި މި ކާމިޔާބީން ރަމްޒުކޮށްދެނީ އެންމެން އެކުގައި އެކަތިގަނޑަކަށް ވެގެން، އެއް މިސްރާބަކަށް ދިއުމަށް މަސައްކަތް ކުރާ ނަމަ ކާމިޔާބީއާ ހަމަޔަށް ދެވޭކަމެވެ.
ރާއްޖެއަށް މި ލިބިފައިވާ ކާމިޔާބީއަކީ ރާއްޖޭގެ ފަތުރުވެރިކަން ކުރިއެރުވުމާއި، މިސިނާއަތުން ލިބޭ ފައިދާ އެންމެންނަށް ލިބޭނެ ގޮތް ހެދުމަށްޓަކައި ރައީސުލްޖުމްހޫރިއްޔާ ޑރ މުހައްމަދު މުއިއްޒުގެ ބުރަމަސައްކަތްޕުޅާއި، ދުރު ވިސްނުންފުޅު ހާމަވާކަމެއް ކަމަށް މިނިސްޓަރު ވިދާޅުވެފައިވެއެވެ.
ޓުއަރިޒަމް މިނިސްޓްރީން ނެރެފައިވާ ތަފާތުހިސާބުތަކުން ދައްކާގޮތުގައި، މި އަހަރުގެ ފުރަތަމަ 19 ދުވަހުގެ ތެރޭގައި135،555 ފަތުރުވެރިން ރާއްޖެއަށް އައިސްފައިވެއެވެ. މިއީ މިދިޔަ އަހަރާ ބަލާއިރު،8.2 އިންސައްތައިގެ ކުރިއެރުމެކެވެ. މިދިޔަ އަހަރު މި މުއްދަތުގެ ތެރޭގައި ރާއްޖެ އަށް ޒިޔާރައިކޮށްފައި ވަނީ125،339 ފަތުރުވެރިންނެވެ.
މިއާއެކު، މިއަހަރު އެންމެ ގިނައިން ފަތުރުވެރިން ރާއްޖެއަށް އައިސްފައި ވަނީ ރަޝިޔާއިންނެވެ.
