މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ބްލަޑް ޑޮނޭޝަން ކޭމްޕު ނިއްމަލައިފި އެވެ.
މި ހަރަކާތަކީ އެމްއޭސީއެލް އާއި މޯލްޑިވިއަން ބްލަޑް ޑޮނޭޝަން ސާވިސަސް (އެމްބީއެސް) އާ ގުޅިގެން ކުރިއަށް ދެ ދުވަހަށް ކުރިއަށް ގެންދިޔަ ހަރަކާތެކެވެ.
އެމްއޭސީއެލް އިން ވަނީ މި ހަރަކާތުގައި ގިނަ އަދަދެއްގެ މުވައްޒަފުން ބައިވެރިވެފައިވާކަން ފާހަގަކޮށްފަ އެވެ. މިއީ ކޮންމެ އަހަރަކު ވެސް އެމްއޭސީއެލްގެ މުވައްޒަފުންނަށް އަމާޒުކޮށް އެ ކުންފުނިން ހިންގާ ހަރަކާތެކެވެ.
އެކަމަކު އެހެން އަހަރުތަކާ ހިލާފަށް މި އަހަރު މި ކޭމްޕް ކުރިއަށް ގެންގޮސްފައި ވަނީ ވެލާނާ އިންޓަނޭޝަނަލް އެއާޕޯޓު (ވީއައިއޭ) ގައި މަސައްކަތްކުރާ ދައުލަތުގެ އިދާރާތަކާއި މުއައްސަސާތަކާއި ކުންފުނިތަކުގެ އިތުރުން ރިސޯޓް މުވައްޒަފުންނަށް ވެސް ހުޅުވާލައިގެން ނެވެ. އެގޮތަށް ބަދަލުކުރުމުގެ މަގުސަދަކީ ލޭ ލިބުން ދަތިވެ, އެމްބީއެސް އިން އާންމުންގެ އެހީތެރިކަމަށް އެދިފައިވާތީ އާއި ކޮންމެ އަހަރެއްގެ ވެސް ރޯދަ މަހު ލޭ ލިބުން ދަތިވާތީ އެކަމަށް އެހީތެރިވުން ކަމަށް އެމްއޭސީއެލުން ބުނެފައިވެ އެވެ.
