ލޯކަލް ކައުންސިލް އިންތިހާބަށް ކުރިމަތިލި 2900 އަށްވުރެ ގިނަ މީހުންގެ ކެންޑިޑަސީ ގަބޫލުކޮށްފައިވާ ކަމަށް އިލެކްޝަން ކޮމިޝަން (އީސީ) އިން ހާމަކޮށްފިއެވެ.
އީސީން ނެރުނު ތަފާސް ހިސާބުތަކުން ދައްކާގޮތުގައި ލޯކަލް ކައުންސިލް އިންތިހާބަށް ކުރިމަތިލާފައިވާ ކެޑިޑޭޓުންގެ ތެރެއިން 1،596 ކެޑިޑޭޓުންގެ ކެންޑިޑެސީ ވަނީ ގަބޫލުކޮށްފައެވެ. މީގެތެރެއިން 1،216 ކެންޑިޑޭޓުންނަކީ ސިޔާސީ ޕާޓީތަކުގެ ފަރާތުން ކުރިމަތިލާފައިވާ ކެޑިޑޭޓުންނެވެ. މިއާއެކު، ޝަރުތު ހަމަނުވާ 318 ފޯމާއި ޝަރުތުހަމަ ނުވެގެން އަލުން ހުށަހެޅި 306 ފޯމު ވެސް ހިމެނެއެވެ.
އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބަށް ކުރިމަތިލާފައިވާ ކެޑިޑޭޓުންނަށް ބަލާއިރު 1،365 ކެޑިޑޭޓުންގެ ކެންޑިޑެސީ ގަބޫލުކޮށްފައިވާ ކަމަށް އީސީން ވަނީ ހާމަކޮށްފައެވެ. މިއާއެކު، ކެންޑިޑެސީ ގަބޫލު ނުކުރާ 219 ފޯމާއި ޝަރުތުހަމަ ނުވެގެން އަލުން ހުށަހެޅި 205 ފޯމު ހުށައަޅާފަ އެވެ.
ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކަށް ކުރިމަތިލާން އީސީން ހުޅުވާލީ ޖެނުއަރީ މަހުގެ 17 ވަނަ ދުވަހުގަ އެވެ.
