ފަހި ފުލެޓްތަކުގެ ކުނި އުކާލާ ނިޒާމާ ގުޅޭގޮތުން ސޯޝަލް މީޑިއާގެ އެކި ގްރޫޕުތަކުގައި ދޮގު މައުލޫމާތު ފަތުރަމުންދާތީ ފަހި ދިރިއުޅުން ކޯޕަރޭޝަނުން ކަންބޮޑުވުންފާޅުކޮށްފި އެވެ.
މިގޮތަށް ކަންބޮޑުވުންފާޅުކޮށް އެ ކުންފުނިން ބަޔާން ނެރުނީ އަމާން ދޯދި ޓަވަރު 1 ގައި ހިނގި އަލިފާނުގެ ހާދިސާއާ ގުޅިގެން ނެވެ. އެ ހާދިސާ ހިނގީ އެތަނަށް އަޅާފަ ހުރި ކުނިތަކެއްގައި ރޯވެގެން ނެވެ.
އެފްޑީސީން ބުނީ މި ހާދިސާ ހިނގަން މެދުވެރިވި ސަބަބުތައް އިތުރަށް ދެނެގަތުމުގެ މަސައްކަތް އެ ކުންފުނިން ކުރަމުންދާ ކަމަށާއި މިހާދިސާގައި އިމާރާތްތަކަށް ލިބިފައިވާ ގެއްލުން ދެނެގަނެ ކުރަންޖެހޭ މަރާމާތުގެ މަސައްކަތް ކުރިއަށް ގެންދާކަމަށެވެ.
އެހެންވެ. އެފަދަ ހާދިސާތަކާ ގުޅިގެން ކަށަވަރު ނުވާ މައުލޫމާތު ނުފެތުރުމަށާއި އެފްޑީސީގެ އޮފިޝަލް ސޯޝަލްމީޑިއާ ޕުލެޓްފީމް ތަކުގެ އިތުރުން ވައިބާ ގުރޫޕްތަކަށް ހިއްސާކުރާ މައުލޫމާތަށް ރިއާޔަތް ކުރުމަށް އެ ކުންފުނިން އެދިފައިވެއެވެ.
