ހުޅުމާލެ ފޭސް 3 ގެ ބިން ހިއްކުމުގެ މަޝްރޫއުގައި މިހާތަނަށް 98 އިންސައްތަ މަސައްކަތް ނިންމާލާފައިވާ ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނެފި އެވެ.
މި މަޝްރޫއުގެ ދަށުން ޖުމްލަ 63 ހެކްޓަރުގެ ބިން ހިއްކުމަށް ސަރުކާރުން ނިންމާފައިވެއެވެ. އޭގެ ތެރެއިން، މިހާރު 62 ހެކްޓަރު ހިއްކާފައިވާ ކަމަށް އެމްއޭސީއެލުން ބުނެފައިވެ އެވެ. މިއީ މުޅި މަސައްކަތުގެ 98 އިންސައްތައެވެ.
އެމްއޭސީއެލުން މި މަސައްތަކް ކުރިއަށް ގެންދަނީ 22000 ކިއުބިކް މީޓަރުގެ ވެލި އެއްފަހަރާ ނެގޭވަރުގެ ކެޕޭސިޓީ ހުރި ދެ ޑްރެޖަރު ބޭނުންކޮށްގެން ނެވެ.
އެމްއޭސީއެލުން ހުޅުމާލެ ފޭސް 3 ގެ ބިން ހިއްކުމުގެ މަަސައްކަތް ފަށާފައި ވަނީ 2023 ވަނަ އަހަރުގެ އޮކްޓޫބަރު މަހުގައެވެ. އެހެންނަމަވެސް، މި މަސައްކަތް ފާއިތުވެދިޔަ ދުވަސްތަކުގެ ތެރޭގައި ހުއްޓިފައި އޮތުމަށް ފަހު މިދިޔަ ނޮވެމްބަރު މަހުގެ 10 ވަނަ ދުވަހުން ވަނީ އަލުން ފަށާފަ އެވެ.
