ވެލާނާ އިންޓަނޭޝަނަލް އެއަރޕޯޓުގެ އެއަރސައިޑް އޮޕަރޭޝަންތައް ރަނގަޅު ކުރުމަށް ކުރިއަށްދާ 3,200 މީޓަރު ޓެކްސީވޭ ޗާލީ ރީބިލްޑް ޕްރޮޖެކްޓުގެ ފުރަތަމަ ފޭސް ނިންމާލައިފިކަމަށް އެމްއޭސީއެލްއިން ހާމަކޮށްފިއެވެ
މި ޕްރޮޖެކްޓު ފެށިފައިވަނީ މި އަހަރުގެ އޭޕްރީލް މަހުގެ 10 ވަނަ ދުވަހުއެވެ
މި ޕްރޮޖެކްޓާ ގުޅިގެން ވެލާނާ އިންޓަނޭޝަނަލް އެއަރޕޯޓުގެ އެއަރސައިޑް އޮޕަރޭޝަންތައް އިތުރަށް ރަނގަޅުވެ، ޒިންމާދާރު ގޮތެއްގައި ފަންނީ ޚިދުމަތްތައް ދިނުމަށް ބޮޑު އެހީތެރިކަމެއް ލިބިގެން ދާނެ ކަމަށް ބެލެވެއެވެ
ވެލާނާ އިންޓަނޭޝަނަލް އެއަރޕޯޓް އަކީ ދިވެހިރާއްޖޭގެ މައި އެއަރޕޯޓް ކަމަށްވާތީ ، މިފަދަ ޕްރޮޖެކްޓުތައް ހިންގުމަކީ އެއަރޕޯޓުގެ ޚިދުމަތްތައް ރަނގަޅު ކުރުމަށާއި އެއާޕޯޓު ޒަމާނީ ފެންވަރަށް ގެނައުމަށް އެހީތެރިވެދޭ މުހިންމު މަސައްކަތްތަކެއް ކަމުގައި ބެލެވޭ ކަމަށް އެމްއޭސީއެލްއިން ބުނެފައިވެއެވެ. ނިމިގެން ދިޔަ މަހު 26 ގައި އެއާޕޯޓުގެ އައު ޓާމިނަލްވެސް ވަނީ ރަސްމީކޮށް ހުޅުވާލާފައިކަން ފާހަނގަ ކޮށްލަންޖެހެއެވެ
މިޚަބަރާއިމެދު ދެކެނީ ކިހިނެއް؟
+1
+1
+1
+1
+1
